ਕ੍ਰਿਸ ਵੈਨ ਹੈਲਨ ਦੀ ਜਿੱਤ ਦੀ ਖੁਸ਼ੀ 'ਚ ਸਾਊਥ ਏਸ਼ੀਅਨ ਦੀ ਸ਼ਮੂਲੀਅਤ ਪ੍ਰਭਾਵਸ਼ਾਲੀ ਰਹੀ

ਮੈਰੀਲੈਂਡ (ਡਾ. ਸੁਰਿੰਦਰ ਸਿੰਘ ਗਿੱਲ) ¸ ਸੈਨੇਟਰ ਕ੍ਰਿਸਵੈਨ ਹੈਲਨ  ਪ੍ਰਾਇਮਰੀ ਜਿੱਤ ਕੇ ਡੈਮੋਕਰੇਟਿਕ ਪਾਰਟੀ ਦਾ ਅਗਾਮੀ ਉਮੀਦਵਾਰ ਬਣ ਗਿਆ ਹੈ। ਜਿਥੇ ਇਸ ਦੀ ਜਿੱਤ ਸਾਊਥ ਏਸ਼ੀਅਨਾਂ ਲਈ ਵਰਦਾਨ ਸਾਬਤ ਹੋਵੇਗੀ ਉਥੇ ਖਾਸ ਕਰਕੇ ਪੰਜਾਬੀਆਂ ਦੀਆਂ ਮੁਸ਼ਕਿਲਾਂ ਨੂੰ ਹੱਲ ਕਰਨ ਵਿਚ ਪਹਿਲੀ ਕਦਮੀ ਵੀ ਹੋਵੇਗੀ। ਸਾਊਥ ਏਸ਼ੀਅਨਾਂ ਦੇ ਨਮਾਇੰਦੇ ਬਖਸ਼ੀਸ਼ ਸਿੰਘ ਸਾਬਕਾ ਚੇਅਰਮੈਨ ਨੇ ਜਿੱਥੇ ਵਧਾਈ ਦਿੱਤੀ ਉਥੇ ਉਨ੍ਹਾਂ ਕਮਿਉਨਟੀ ਵਲੋਂ ਢੇਰ ਸਾਰੀਆਂ ਸ਼ੁੱਭ ਇੱਛਾਵਾਂ ਵੀ ਭੇਂਟ ਕੀਤੀਆਂ।
ਜ਼ੋਰਾਵਰ ਸਿੰਘ ਜੋ ਯੂਥ ਵਲੋਂ ਕ੍ਰਿਸ ਵੈਨ ਹਾਲਨ ਦੀ ਜਿੱਤ ਦੀ ਨਜ਼ਰ ਵਿਚ ਪ੍ਰਭਾਵਸ਼ਾਲੀ ਸ਼ਬਦਾਂ ਨਾਲ ਨਿਵਾਜਿਆ ਉਹਨਾਂ ਕਿਹਾ ਕਿ ਕ੍ਰਿਸ ਬਹੁਤ ਹੀ ਨਿੱਘੇ ਸੁਭਾਅ ਦੇ ਮਿਲਣਸਾਰ ਹਨ ਜਿਨ੍ਹਾਂ ਦੀ ਜਿੱਤ ਭਾਵੇਂ ਯਕੀਨੀ ਸੀ ਪਰ ਆਫੀਸ਼ੀਅਲ ਐਲਾਨ ਕਰਕੇ ਅੱਜ ਸਾਨੂੰ ਫਖਰ ਮਹਿਸੂਸ ਹੋ ਰਿਹਾ ਹੈ। ਡਾ. ਸੁਧੀਰ ਜੋ ਕ੍ਰਿਸ ਵੈਨ ਦੇ ਨੇੜੇ ਦੇ ਮਿੱਤਰ ਹਨ ਉਹਨਾਂ ਕਿਹਾ ਕਿ ਇਨ੍ਹਾਂ ਨੇ ਹਮੇਸ਼ਾ ਹੀ ਭਾਰਤੀ ਭਾਈਚਾਰੇ ਨਾਲ ਨੇੜਤਾ ਰੱਖੀ ਹੈ ਅਤੇ ਵੱਡੀਆਂ ਵੱਡੀਆਂ ਮੁਸ਼ਕਿਲਾਂ ਦਾ ਹੱਲ ਕਰਕੇ ਵਾਹ ਵਾਹ ਖੱਟੀ ਹੈ। ਹੋਰਨਾਂ ਤੋਂ ਇਲਾਵਾ ਜਸਦੀਪ ਸਿੰਘ, ਬਲਜਿੰਦਰ ਸਿੰਘ, ਕਮਲਜੀਤ ਸੰਨੀ, ਸੁਰਿੰਦਰ ਰਹੇਜਾ ਅਤੇ ਸਾਜ਼ਿਦ ਤਰਾਰ ਵਲੋਂ ਵੀ ਸ਼ਮੂਲੀਅਤ ਕਰਕੇ ਵਧਾਈ ਦਿੱਤੀ ਹੈ।