ਪ੍ਰੇਮ ਸਿੰਘ ਚੰਦੂਮਾਜਰਾ ਨੂੰ ਪੰਜਾਬ ਦਾ ਸਰਵੋਤਮ ਮੈਂਬਰ ਪਾਰਲੀਮੈਂਟ ਅਤੇ ਉੱਤਰੀ ਭਾਰਤ ਦਾ ਨੰਬਰ ਦੋ ਬੁਲਾਰਾ ਐਲਾਨਣ ਤੇ ਵਧਾਈਆਂ

ਵਾਸ਼ਿੰਗਟਨ ਡੀ. ਸੀ. (ਗ.ਦ.) -  ਭਾਰਤ ਦੀ ਉੱਚ ਪੱਧਰ ਸੰਸਥਾ ਵੱਲੋਂ ਪਾਰਲੀਮੈਂਟ ਦੇ ਬੁਲਾਰਿਆਂ ਵਲੋਂ ਉਠਾਏ ਸਵਾਲਾਂ ਅਤੇ ਮਸਲਿਆਂ ਸਬੰਧੀ ਆਪਣੀ ਰਿਪੋਰਟ ਪੇਸ਼ ਕੀਤੀ ਗਈ ਹੈ ਜਿਸ ਵਿੱਚ ਪ੍ਰੇਮ ਸਿੰਘ ਚੰਦੂਮਾਜਰਾ ਨੂੰ ਪੰਜਾਬ ਦਾ ਉੱਤਮ ਪਾਰਲੀਮੈਂਟ ਬੁਲਾਰਾ ਐਲਾਨਿਆ ਗਿਆ ਹੈ। ਜਿਨ੍ਹਾਂ ਨੇ ਕਦੇ ਵੀ ਪਾਰਲੀਮੈਂਟ ਦੇ ਸੈਸ਼ਨ ਤੋਂ ਗੈਰ ਹਾਜ਼ਰੀ ਨਹੀਂ ਦਿਖਾਈ, ਸਗੋਂ ਪੰਜਾਬ ਅਤੇ ਵਿਦੇਸ਼ੀਆਂ ਦੇ ਮਸਲਿਆਂ ਨੂੰ ਬਹੁਤ ਹੀ ਸੁਲਝੇ ਢੰਗ ਨਾਲ ਪਾਰਲੀਮੈਂਟ ਦੇ ਸਨਮੁਖ ਰੱਖੇ। ਜਿੱਥੇ ਉਨ੍ਹਾਂ ਵਲੋਂ ਉਠਾਏ ਮਸਲਿਆਂ ਅਤੇ ਪੇਸ਼ਕਾਰੀ ਨੂੰ ਸਲਾਹਿਆ ਗਿਆ, ਉੱਥੇ ਉਨ੍ਹਾਂ ਦੇ ਹਰੇਕ ਮਸਲੇ ਨੂੰ ਗੰਭੀਰਤਾ ਵਾਲੇ ਪੱਖ ਤੋਂ ਵੀ ਵਿਚਾਰਿਆ ਗਿਆ। ਜਿਸ ਕਰਕੇ ਉਹ ਉੱਤਰੀ ਭਾਰਤ ਦੇ ਦੂਸਰੇ ਸਥਾਨ ਦੇ ਬੁਲਾਰੇ ਵਜੋਂ ਪਾਰਲੀਮੈਂਟ ਦੀ ਕਾਰਗੁਜ਼ਾਰੀ ਵਜੋਂ ਐਲਾਨੇ ਗਏ ਅਤੇ ਪੰਜਾਬ ਦੇ ਸਰਵੋਤਮ ਮੈਂਬਰ ਪਾਰਲੀਮੈਂਟ ਐਲਾਨੇ ਗਏ ਹਨ।
ਗੁਰਪ੍ਰਤਾਪ ਸਿੰਘ ਵੱਲ੍ਹਾ ਚੇਅਰਮੈਨ ਯੂਥ ਅਕਾਲੀ ਦਲ ਈਸਟ ਕੋਸਟ ਅਤੇ ਉਨ੍ਹਾਂ ਦੀ ਸਮੁੱਚੀ ਟੀਮ ਜਿਸ ਵਿੱਚ ਬਲਵਿੰਦਰ ਸਿੰਘ ਪ੍ਰਧਾਨ ਈਸਟ ਕੋਸਟ ਅਤੇ ਸਤਪਾਲ ਸਿੰਘ ਬਰਾੜ ਵਲੋਂ ਪੂਰੇ ਢਾਂਚੇ ਵਲੋਂ ਪ੍ਰੇਮ ਸਿੰਘ ਚੰਦੂਮਾਜਰਾ ਨੂੰ ਵਧਾਈਆਂ ਦਿੱਤੀਆਂ ਅਤੇ ਉਨ੍ਹਾਂ ਦੀ ਕਾਰਗੁਜ਼ਾਰੀ ਤੇ ਸੰਤੁਸ਼ਟੀ ਪ੍ਰਗਟਾਉਂਦਿਆਂ ਕਿਹਾ ਕਿ ਚੰਦੂਮਾਜਰਾ ਹਮੇਸ਼ਾ ਹੀ ਪੰਜਾਬੀ ਅਤੇ ਪ੍ਰਵਾਸੀਆਂ ਮਸਲਿਆਂ ਨੂੰ ਪਾਰਲੀਮੈਂਟ ਉਠਾ ਕੇ ਸਾਡਾ ਮਾਣ ਵਧਾਉਂਦੇ ਹਨ।