ਐਸ ਈ ਸੀ ਨੇ ਅਮਰੀਕੀ ਅਦਾਲਤ ਸਾਹਮਣੇ ਅਪਡੇਟ ਸਟੇਟਸ ਪੇਸ਼ ਕੀਤਾ

ਨਿਊਯਾਰਕ- ਯੂਐੱਸ ਸਕਿਓਰਿਟੀਜ਼ ਐਂਡ ਐਕਸਚੇਂਜ ਕਮਿਸ਼ਨ (ਐੱਸਈਸੀ) ਨੇ ਇੱਥੇ ਇੱਕ ਸੰਘੀ ਜੱਜ ਨੂੰ ਦੱਸਿਆ ਹੈ ਕਿ ਕਥਿਤ ਰਿਸ਼ਵਤ ਯੋਜਨਾ ਵਿੱਚ ਗੌਤਮ ਅਡਾਨੀ ਅਤੇ ਸਾਗਰ ਅਡਾਨੀ ’ਤੇ ਦੋਸ਼ ਪੱਤਰ ਉਨ੍ਹਾਂ ਨੂੰ ਪਹੁੰਚਾਉਣ ਲਈ ਯਤਨ ਜਾਰੀ ਹਨ ਅਤੇ ਇਸ ਸਬੰਧੀ ਭਾਰਤ ਸਰਕਾਰ ਨੂੰ ਸਹਿਯੋਗ ਲਈ ਵੀ ਬੇਨਤੀ ਕੀਤੀ ਗਈ ਹੈ।  ਜ਼ਿਕਰਯੋਗ ਹੈ ਕਿ ਐੱਸਈਸੀ ਨੇ ਮੰਗਲਵਾਰ ਨੂੰ ਯੂਨਾਈਟਿਡ ਸਟੇਟ ਡਿਸਟ੍ਰਿਕਟ ਕੋਰਟ ਨਿਊਯਾਰਕ ਦੇ ਈਸਟਰਨ ਡਿਸਟ੍ਰਿਕਟ ਵਿੱਚ ਜੱਜ ਨਿਕੋਲਸ ਗਰੌਫੀਸ ਨੂੰ ਦੱਸਿਅ ਕਿ ਅਡਾਨੀ ਮਾਮਲੇ ਵਿਚ ਸ਼ਿਕਾਇਤ ਦੀ ਕਾਪੀ ਪਹੁੰਚਾਉਣ ਲੲ ਕੀ ਹੁਣ ਤੱਕ ਕੀ ਪ੍ਰਗਤੀ ਹੋਈ ਹੈ  । SEC ਨੇ ਕਿਹਾ ਕਿ ਗੌਤਮ ਅਡਾਨੀ ਅਤੇ ਸਾਗਰ ਅਡਾਨੀ ਦੋਵੇਂ ਭਾਰਤ ਵਿੱਚ ਹਨ ਅਤੇ ਉਨ੍ਹਾਂ ਖ਼ਿਲਾਫ਼ ਸ਼ਿਕਾਇਤ ਪੱਤਰ ਦੀ ਕਾਪੀ ਪਹੁੰਚਾਉਣ ਲਈ ਯਤਨ ਜਾਰੀ ਹਨ।
SEC ਨੇ ਕਿਹਾ ਕਿ ਉਸਦੀ ਪਿਛਲੇ ਸਾਲ 20 ਨਵੰਬਰ ਦੀ ਸ਼ਿਕਾਇਤ ਵਿੱਚ ਦੋਸ਼ ਲਗਾਇਆ ਗਿਆ ਹੈ ਕਿ ਗੌਤਮ ਅਡਾਨੀ ਅਤੇ ਸਾਗਰ ਅਡਾਨੀ ਨੇ ਅਡਾਨੀ ਗ੍ਰੀਨ ਵੱਲੋਂ ਸਤੰਬਰ 2021 ਦੇ ਕਰਜ਼ੇ ਦੀ ਪੇਸ਼ਕਸ਼ ਦੇ ਸਬੰਧ ਵਿੱਚ ਜਾਣ ਬੁੱਝ ਕੇ ਜਾਂ ਲਾਪਰਵਾਹੀ ਨਾਲ ਅਡਾਨੀ ਗ੍ਰੀਨ ਐਨਰਜੀ ਲਿਮਟਿਡ ਬਾਰੇ ਗਲਤ ਅਤੇ ਗੁੰਮਰਾਹਕੁੰਨ ਪੇਸ਼ਕਾਰੀ ਕਰਕੇ ਕਾਨੂੰਨਾਂ ਉਲੰਘਣਾ ਕੀਤੀ ਹੈ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਕਿਉਂਕਿ “ਮੁਲਜ਼ਮ ਕਿਸੇ ਹੋਰ ਦੇਸ਼ ਵਿੱਚ  ਹਨ, ਇਸ ਲਈ ਫੈਡਰਲ ਰੂਲਜ਼ ਆਫ਼ ਸਿਵਲ ਪ੍ਰੋਸੀਜ਼ਰ (FRCP) ਦੇ ਨਿਯਮ 4(f) ਸੰਮਨ ਅਤੇ ਸ਼ਿਕਾਇਤ ਪੱਤਰ ਦੀ ਕਾਪੀ ਦੀ ਭੇਜਣ ਨੂੰ ਨਿਯੰਤਰਿਤ ਕਰਦੇ ਹਨ। ਇਸ ਸਬੰਧਤ ਇਕ ਕਾਰਵਾਈ ਵਿੱਚ ਨਿਊਯਾਰਕ ਦੇ ਇਸਟਰਨ ਜ਼ਿਲ੍ਹੇ ਲਈ ਯੂਐੱਸ ਅਟਾਰਨੀ ਦੇ ਦਫ਼ਤਰ ਨੇ ਅਡਾਨੀ ਗ੍ਰੀਨ ਅਤੇ ਅਜ਼ੂਰ ਪਾਵਰ ਨਾਲ ਜੁੜੇ ਹੋਰ ਵਿਅਕਤੀਆਂ ਦੇ ਨਾਲ-ਨਾਲ ਗੌਤਮ, ਸਾਗਰ ਅਡਾਨੀ ਅਤੇ ਕੈਬਨੇਸ ਦੇ ਖ਼ਿਲਾਫ਼ ਅਪਰਾਧਿਕ ਦੋਸ਼ਾਂ ਨੂੰ ਸੀਲ ਕਰ ਦਿੱਤਾ।
ਅਮਰੀਕੀ ਨਿਆਂ ਵੱਲੋਂ ਅਨੁਕੂਲ ਸੂਰਜੀ ਊਰਜਾ ਠੇਕਿਆਂ ਦੇ ਬਦਲੇ ਭਾਰਤੀ ਅਧਿਕਾਰੀਆਂ ਨੂੰ 250 ਮਿਲੀਅਨ ਡਾਲਰ ਦੀ ਰਿਸ਼ਵਤ ਦੇਣ ਦੀ ਕਥਿਤ ਸਾਲਾਂ-ਬੱਧੀ ਯੋਜਨਾ ਵਿੱਚ ਉਸਦੀ ਭੂਮਿਕਾ ਲਈ ਅਡਾਨੀ ਨੂੰ ਦੋਸ਼ੀ  ਕਿਹਾ ਹੈ। ਅਡਾਨੀ ਸਮੂਹ ਨੇ ਕਿਹਾ ਹੈ ਕਿ ਨਿਆਂ ਵਿਭਾਗ ਅਤੇ ਐੱਸਈਸੀ ਦੇ ਦੋਸ਼ ਬੇਬੁਨਿਆਦ ਹਨ ਅਤੇ ਉਨ੍ਹਾਂ ਨੇ ਇਨਕਾਰ ਕੀਤਾ ਹੈ।