ਮੈਰੀਲੈਂਡ (ਗ.ਦ.) – ਆਪ ਪਾਰਟੀ ਵਲੋਂ ਪੰਜਾਬ ਦੀ ਸਥਿਤੀ ਤੇ ਕਾਫੀ ਚਿੰਤਾ ਪ੍ਰਗਟਾਈ ਜਾ ਰਹੀ ਹੈ ਜਿਸ ਦੇ ਇਵਜਾਨੇ ਉਨ੍ਹਾਂ ਵਲੋਂ ਪੰਜਾਬ ਸਰਕਾਰ ਖਿਲਾਫ ਇੱਕ ਦਸਤਖਤ ਪਟੀਸ਼ਨ ਮੁਹਿੰਮ ਛੇੜੀ ਹੋਈ ਹੈ। ਜਿਸ ਤਹਿਤ ਇੱਥੋਂ ਦੇ ਪੰਜਾਬੀਆਂ ਨੇ ਦਸਤਖਤ ਕਰਵਾ ਕੇ ਨਸ਼ੇ, ਕਾਨੂੰਨ ਦੀ ਮਾੜੀ ਹਾਲਾਤ ਅਤੇ ਟ੍ਰੈਫਿਕ ਦੀ ਬਦਤਰ ਹਲਾਤਾਂ ਨੂੰ ਨਕੇਲ ਪਾਉਣ ਲਈ ਦਸਤਖਤ ਪਟੀਸ਼ਨ ਹਿੰਦੋਸਤਾਨ ਦੇ ਰਾਸ਼ਟਰਪਤੀ ਨੂੰ ਭੇਜਣ ਦਾ ਮਨਸੂਬਾ ਬਣਾਇਆ ਹੈ ਤਾਂ ਜੋ ਉਹ ਪੰਜਾਬ ਸਰਕਾਰ ਨੂੰ ਚਲਦਾ ਕਰਕੇ ਗਵਰਨਰ ਕਾਨੂੰਨ ਲਾਗੂ ਕੀਤਾ ਜਾ ਸਕੇ।
ਮੌਕੇ ਦੇ ਬੁਲਾਰਿਆ ਮੁਤਾਬਕ ਜਿੱਥੇ ਉਹ ਆਪਣੀ ਪੁਜੀਸ਼ਨ ਨੂੰ ਮਜ਼ਬੂਤ ਕਰ ਪਾਰਟੀ ਕੋਲ ਹਾਜ਼ਰੀ ਲਗਵਾਉਣਾ ਚਾਹੁੰਦੇ ਹਨ, ਉੱਥੇ ਪੰਜਾਬ ਦੇ ਹਲਾਤਾਂ ਨੂੰ ਕੋਸ ਕੋਸ ਉਹ ਪੰਜਾਬ ਸਰਕਾਰ ਦਾ ਭੰਡੀ ਪ੍ਰਚਾਰ ਵੀ ਕਰ ਰਹੇ ਹਨ। ਪਾਰਟੀ ਦੀ ਸਿੰਮੀ ਸਿੰਮੀ ਬਿਸਮਿਲ ਦਾ ਕਹਿਣਾ ਹੈ ਕਿ ਉਨ੍ਹਾਂ ਹਰੇਕ ਐਤਵਾਰ ਗੁਰੂਘਰਾਂ ਵਿੱਚ ਜਾ ਕੇ ਉੱਥੇ ਆਪਣੇ ਸਟਾਲ ਲਗਾ ਕੇ ਪੰਜਾਬੀਆਂ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਹੈ ਜਿਸ ਤਹਿਤ ਉਨ੍ਹਾਂ ਨੂੰ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ ਅਤੇ ਉਹ ਪੰਜ ਸੌ ਤੋਂ ਉੱਪਰ ਪੰਜਾਬ ਨਾਲ ਸਬੰਧਤ ਪੰਜਾਬੀਆਂ ਦੇ ਦਸਤਖਤ ਕਰਵਾ ਚੁੱਕੇ ਹਨ। ਕੋਟਾ ਪੂਰਾ ਹੋਣ ਉਪਰੰਤ ਉਹ ਪਟੀਸ਼ਨ ਰਾਸ਼ਟਰਪਤੀ ਭਾਰਤ ਨੂੰ ਭੇਜਣਗੇ। ਇਸ ਮੁਹਿੰਮ ਵਿੱਚ ਸ਼ਾਮਲ ਮੁੱਖ ਵਿਅਕਤੀਆਂ ਵਿੱਚ ਅਮਰਜੀਤ ਸਿੰਘ ਸੰਧੂ, ਹਰਪ੍ਰੀਤ ਸਿੰਘ ਗਿੱਲ, ਗੁਰਦੇਬ ਸਿੰਘ ਗੋਤੜਾ, ਜਗਤਾਰ ਸਿੰਘ, ਕੇ. ਕੇ. ਸਿੱਧੂ, ਮਨਮੀਤ ਸਿੰਘ ਅਤੇ ਸਿੰਮੀ ਬਿਸਮਿਲ ਸ਼ਾਮਲ ਹੋਏ।