'ਰਿਪਬਲਿਕ ਡੇ' ਅਮਰੀਕਾ ਦੇ ਡੀ. ਸੀ. ਏਰੀਏ ਵਿੱਚ ਨੈਸ਼ਨਲ ਕੌਂਸਲ ਆਫ ਇੰਡੀਅਨ-ਏਸ਼ੀਅਨ 28 ਜਨਵਰੀ ਨੂੰ ਮਨਾਏਗੀ

ਮੈਰੀਲੈਂਡ (ਗਿੱਲ) - ਹਰ ਸਾਲ ਦੀ ਤਰ•ਾਂ ਇਸ ਵਾਰ ਵੀ ਨੈਸ਼ਨਲ ਕੌਂਸਲ ਆਫ ਇੰਡੀਅਨ ਏਸ਼ੀਅਨ ਵਲੋਂ ਗਣਤੰਤਰ ਦਿਵਸ ਮਨਾਉਣ ਦਾ ਫੈਸਲਾ ਕੀਤਾ ਗਿਆ ਹੈ। ਜਿੱਥੇ ਇਹ ਦਿਨ ਅਠਾਈ ਜਨਵਰੀ ਨੂੰ ਮਨਾਇਆ ਜਾਵੇਗਾ, ਉੱਥੇ ਇਸ ਪ੍ਰੋਗਰਾਮ ਦੀ ਰੂਪ ਰੇਖਾ ਉਲੀਕਣ ਲਈ ਡਾ. ਸੁਰਿੰਦਰ ਗਿੱਲ ਦੀ ਅਗਵਾਈ ਵਿੱਚ ਪੰਜ ਮੈਂਬਰੀ ਕਮੇਟੀ ਦਾ ਗਠਨ ਕਰ ਦਿੱਤਾ ਹੈ ਜਿਸ ਵਿੱਚ ਅਲਕਾ ਬਤਰਾ, ਡਾ. ਸੁਰੇਸ਼ ਕੁਮਾਰ, ਪਵਨ ਬੈਜ਼ਵਾੜਾ, ਨਰਿੰਦਰ ਅਤੇ ਸਕੱਤਰ ਜਨਰਲ ਮੁਕੰਦ ਅਗਾਮੀ ਦੇ ਨਾਮ ਸ਼ਾਮਲ ਹਨ।
ਜ਼ਿਕਰਯੋਗ ਹੈ ਕਿ ਹਰੇਕ ਹਾਜ਼ਰੀਨ ਨੂੰ ਸੁਝਾਵਾਂ ਦੇ ਨਾਲ-ਨਾਲ ਇਸ ਨੂੰ ਦੂਸਰੀਆਂ ਕਮਿਊਨਿਟੀਆਂ ਦੇ ਸਹਿਯੋਗ ਅਤੇ ਹਮਾਇਤ ਨਾਲ ਮਜ਼ਬੂਤ ਕਰਨ ਦੇ ਨਾਲ-ਨਾਲ ਵਰਾਇਟੀ ਪ੍ਰੋਗਰਾਮਾਂ ਜਿਸ ਵਿੱਚ ਵੱਖ ਵੱਖ ਪ੍ਰਾਂਤਾਂ ਦੇ ਨਾਚ ਅਤੇ ਸੱਭਿਆਚਾਰ ਨੂੰ ਸ਼ਾਮਲ ਕਰਨ ਦੀ ਸਿਫਾਰਸ਼ ਕੀਤੀ ਗਈ। ਜਿੱਥੇ ਸਮੁੱਚੀ ਟੀਮ ਵਲੋਂ ਪੂਰੇ ਸਾਲ ਦੇ ਪ੍ਰੋਗਰਾਮਾਂ, ਬਜਟ ਅਤੇ ਇਸ ਦੇ ਵਾਧੇ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਉੱਥੇ ਇਸ ਕੌਂਸਲ ਦੀ ਮੀਟਿੰਗ ਹਰ ਮਹੀਨੇ ਕਰਨ ਦਾ ਵੀ ਫੈਸਲਾ ਕੀਤਾ ਗਿਆ ਹੈ। ਆਸ ਹੈ ਕਿ ਇਹ ਸਭ ਤੋਂ ਪੁਰਾਣੀ ਸੰਸਥਾ ਮੈਟਰੋਪੁਲਿਟਨ ਕਮਿਊਨਿਟੀ ਲਈ ਵਰਦਾਨ ਸਾਬਤ ਹੋਵੇਗੀ। ਡਾ. ਸੁਰੇਸ਼ ਗੁਪਤਾ ਅਤੇ ਬੈਜਵਾੜਾ ਦੀ ਅਣਥੱਕ ਮਿਹਨਤ ਖੂਬ ਰੰਗ ਲਿਆਵੇਗੀ।