ਯੂਨਾਈਟਿਡ ਪੰਜਾਬੀ ਸੰਸਥਾ ਦੇ ਵਿਸਥਾਰ ਅਤੇ ਮਜ਼ਬੂਤੀ ਸਬੰਧੀ ਜ਼ੋਰਦਾਰ ਖੁਲਾਸਾ

ਵਰਜੀਨੀਆ (ਗ.ਦ.) – ਯੁਨਾਈਟਿਡ ਪੰਜਾਬੀ ਸੰਸਥਾ ਜਿੱਥੇ ਸੱਭਿਆਚਾਰਕ ਦੀਆਂ ਤੰਦਾਂ ਮਜ਼ਬੂਤ ਕਰਨ ਅਤੇ ਵਿਰਸੇ ਦੀ ਪ੍ਰਫੁੱਲਤਾ ਪ੍ਰਤੀ ਅਹਿਮ ਰੋਲ ਅਦਾ ਕਰਦੀ ਆ ਰਹੀ ਹੈ, ਉੱਥੇ ਅੱਜ ਭਰਵੀਂ ਮੀਟਿੰਗ ਦੌਰਾਨ ਗੱਭਰੂਆਂ ਵਲੋਂ ਇਸ ਨੂੰ ਮਜ਼ਬੂਤ ਅਤੇ ਵਿਸਥਾਰ ਸਬੰਧੀ ਹੁੰਗਾਰਾ ਭਰਦਿਆਂ ਕਿਹਾ ਕਿ ਯੁਨਾਈਟਿਡ ਪੰਜਾਬੀ ਸੰਸਥਾ ਵਿਦੇਸ਼ਾਂ ਵਿੱਚ ਰਹਿੰਦੇ ਪੰਜਾਬੀਆਂ ਲਈ ਮਸੀਹੇ ਦੇ ਤੌਰ ਤੇ ਵਿਚਰੇਗੀ। ਉਹਨਾਂ ਦੀਆਂ ਮੁਸ਼ਕਲਾਂ ਅਤੇ ਲੋੜਾਂ ਪ੍ਰਤੀ ਜਾਗਰੂਕ ਕਰੇਗੀ।
ਇਸ ਮੀਟਿੰਗ ਵਿੱਚ ਨੌਜਵਾਨਾਂ ਦੀ ਹਾਜ਼ਰੀ ਅਤੇ ਭਵਿੱਖ ਦੇ ਪ੍ਰੋਗਰਾਮਾਂ ਪ੍ਰਤੀ ਅਹਿਮ ਫੈਸਲੇ ਲਏ ਗਏ ਤਾਂ ਜੋ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਦੇ ਵਿਰਸੇ ਨੂੰ ਹੋਰ ਬਿਹਤਰ ਅਤੇ ਅਨਿੱਖੜਵਾਂ ਬਣਾ ਸਕੇ। ਇਸ ਮੀਟਿੰਗ ਵਿੱਚ ਗੁਰਪ੍ਰਤਾਪ ਸਿੰਘ ਵੱਲ੍ਹਾ, ਸੰਨੀ ਮੱਲ੍ਹੀ, ਕੰਵਲ ਸੰਧੂ, ਸਟੀਵਨ ਸੇਖੋਂ, ਹਰਜੋਤ ਗੁਰਾਇਆ, ਕੁਲਦੀਪ ਗਿੱਲ, ਜੱਸਾ ਬਰਾੜ, ਲਵਲੀ ਕਾਹਲੋਂ, ਹੈਰੀ ਧਾਲੀਵਾਲ, ਜਸਪ੍ਰੀਤ ਬਰਾੜ, ਸ਼ੈਰੀ ਧੀਲੀਵਾਲ, ਰਿੰਕੂ ਬਾਜਵਾ, ਰਾਜੂ ਬਾਜਵਾ, ਰਾਜ ਭਨੋਟ, ਕੁਲਦੀਪ ਗਿੱਲ, ਰੂਬੀ ਕਾਹਲੋਂ, ਬੇਅੰਤ ਸਿੰਘ ਅਤੇ ਕੈਪਟਨ ਸਿੰਘ ਆਦਿ ਹਾਜ਼ਰ ਸਨ।