ਟਰੱਕ ਡਰਾਈਵਰਾਂ ਵਿੱਚ ਪਾਇਆ ਸਹਿਮ ਮੀਡੀਏ ਦੀ ਸ਼ੈਤਾਨੀ

* ਵਰਕ ਪਰਮਿਟ ਵਾਲੇ ਡਰਾਈਵਰਾਂ ਨੂੰ ਟਰੱਕ ਚਲਾਉਣਾ ਕੋਈ ਖਤਰਾ ਨਹੀਂ
* ਅਫਵਾਹਾਂ ਤੋਂ ਬਚੋ, ਨਸ਼ਾ ਮੁਕਤ ਰਹੋ
ਵਾਸ਼ਿੰਗਟਨ ਡੀ. ਸੀ. (ਗਿੱਲ) - ਕੈਲੇਫੋਰਨੀਆਂ ਅਤੇ ਇਸ ਦੇ ਆਸ ਪਾਸ ਵਾਲੇ ਟਰੱਕ ਡਰਾਈਵਰਾਂ ਵਿੱਚ ਨਵੀਂ ਇੰਮੀਗ੍ਰੇਸ਼ਨ ਦੇ ਭੰਬਲਭੂਸੇ ਕਾਰਨ ਕਾਫੀ ਸਹਿਮ ਪਾਇਆ ਜਾ ਰਿਹਾ ਹੈ। ਜਦਕਿ ਅਜਿਹਾ ਕੁਝ ਵੀ ਨਹੀਂ ਹੈ। ਵਰਕ ਪਰਮਿਟ ਵਾਲੇ ਡਰਾਈਵਰ ਬਗੈਰ ਝਿਜਕ ਆਪਣੀ ਡਰਾਈਵਰੀ ਕਾਇਮ ਰੱਖ ਸਕਦੇ ਹਨ। ਉਨ੍ਹਾਂ ਨੂੰ ਕਿਸੇ ਡਰ, ਸਹਿਮ ਤੋਂ ਉੱਪਰ ਉੱਠ ਕੇ ਆਪਣੀ ਡਰਾਈਵਰੀ ਕਰਨੀ ਚਾਹੀਦੀ ਹੈ। ਜੋ ਕੁਝ ਅੱਜ ਕੱਲ੍ਹ ਅਫਵਾਹਾਂ ਉੱਡ ਰਹੀਆਂ ਹਨ ਉਹ ਸਿਰਫ ਤੇ ਸਿਰਫ ਮੀਡੀਏ ਦੀ ਬੇਸਮਝੀ ਅਤੇ ਖੌਫ ਨੂੰ ਅੰਜਾਮ ਦੇ ਕੇ ਡਰਾਇਆ ਜਾ ਰਿਹਾ ਹੈ। ਜਦਕਿ ਅਜਿਹਾ ਕੁਝ ਵੀ ਨਹੀਂ ਹੈ।
ਸਿਰਫ ਜਿਨ੍ਹਾਂ ਸੱਤ ਮੁਲਕਾਂ ਤੇ ਤਲਵਾਰ ਲਟਕਾਈ ਗਈ ਹੈ ਕੇਵਲ ਉਨ੍ਹਾਂ ਮੁਲਕਾਂ ਦੇ ਲੋਕਾਂ ਲਈ ਹੀ ਡਰ ਹੈ, ਪਰ ਉਸ ਬਾਰੇ ਵੀ ਟਰੰਪ ਨੇ ਕੁਝ ਸ਼ਰਤਾਂ ਨਰਮ ਕਰ ਦਿੱਤੀਆਂ ਹਨ। ਇੱਕ ਗੱਲ ਦੱਸ ਦਈਏ ਕਿ ਬਗੈਰ ਪੇਪਰਾਂ ਵਾਲਿਆਂ ਨੂੰ ਕੇਵਲ ਟਰੰਪ ਹੀ ਪੱਕਿਆ ਕਰੇਗਾ। ਇਸ ਗੱਲ ਦਾ ਪ੍ਰਗਟਾਵਾ ਰਾਸ਼ਟਰਪਤੀ ਟਰੰਪ ਵਲੋਂ ਆਪਣੇ ਕਾਂਗਰਸ ਸੰਬੋਧਨ ਵਿੱਚ ਕਰ ਦਿੱਤਾ ਹੈ ਕਿ ਉਹ ਇੰਮੀਗ੍ਰੇਸ਼ਨ ਬਿੱਲ ਨੂੰ ਰਿਫਾਰਮ ਕਰਕੇ ਗੈਰ ਕਾਨੂੰਨੀ ਉਨ੍ਹਾਂ ਵਿਅਕਤੀਆਂ ਨੂੰ ਕੰਮ ਦੀ ਪ੍ਰਵਾਨਗੀ ਦੇਣਗੇ, ਜਿਨ੍ਹਾਂ ਦਾ ਪਿਛੋਕੜ ਸਾਫ ਸੁਥਰਾ ਹੈ ਅਤੇ ਉਹ ਕਿਸੇ ਵੀ ਦੋਸ਼ ਵਿੱਚ ਪੁਲਿਸ ਲਈ ਲੋੜੀਂਦੇ ਨਹੀਂ ਹਨ।