ਸਿੱਖ ਪੈਕ ਦੇ ਚੇਅਰਮੈਨ ਨੇ ਨੌਜਵਾਨਾਂ ਨੂੰ ਰਾਜਨੀਤੀ 'ਚ ਕੁੱਦਣ ਲਈ ਕੀਤਾ ਪ੍ਰੇਰਿਤ - ਭਾਈ ਗੁਰਿੰਦਰ ਸਿੰਘ

ਮੈਰੀਲੈਂਡ (ਗਿੱਲ) - ਭਾਰਤੀ ਪ੍ਰਵਾਸੀ ਭਾਈਚਾਰਾ ਆਪਣੀਆਂ ਮੁਸ਼ਕਲਾਂ ਦੇ ਹੱਲ ਅਤੇ ਸਹੂਲਤਾਂ ਲਈ ਇੱਕ ਮੁਹਿੰਮ ਨੂੰ ਅੰਜ਼ਾਮ ਦੇ ਰਿਹਾ ਹੈ। ਜਿਸ ਦੀ ਜ਼ਿੰਮੇਵਾਰੀ ਭਾਈ ਗੁਰਿੰਦਰ ਸਿੰਘ ਚੇਅਰਮੈਨ ਸਿੱਖ ਪੈਕ ਇੰਡੀਅਨ ਅਨੈਪਲਿਸ ਨੇ ਲਈ ਹੈ। ਜੋ ਪਿਛਲੇ ਦਿਨੀਂ ਮੈਟਰੋਪੁਲਿਟਨ ਦੇ ਦੌਰੇ ਤੇ ਸਨ। ਜਿਨ੍ਹਾਂ ਨੇ ਸਥਾਨਕ ਕਮਿਊਨਿਟੀ ਅਤੇ ਗੁਰੂਘਰਾਂ ਦੀਆਂ ਸੰਗਤਾਂ ਨਾਲ ਮੁਲਾਕਾਤ ਕਰਕੇ ਪੰਜਾਬੀ ਭਾਈਚਾਰੇ ਨੂੰ ਸਿੱਖੀ ਵਿੱਚ ਪ੍ਰਪੱਕ ਰਹਿ ਕੇ ਨੌਜਵਾਨ ਪੀੜ੍ਹੀ ਨੂੰ ਰਾਜਨੀਤੀ ਵਿੱਚ ਵੀ ਹਿੱਸਾ ਲੈਣ ਲਈ ਪ੍ਰੇਰਰਿਆ ਹੈ। ਕਿਉਂਕਿ ਪੰਜਾਬੀ ਹਰ ਖੇਤਰ ਵਿੱਚ ਨਿਪੁੰਨ ਹਨ, ਪਰ ਰਾਜਨੀਤਕ ਖੇਤਰ ਕਾਫੀ ਕਮਜ਼ੋਰ ਹੈ ਜਿਸ ਲਈ ਗੁਰਿੰਦਰ ਸਿੰਘ ਨੇ ਇਹ ਮੁਹਿੰਮ ਚਲਾਈ ਹੋਈ ਹੈ।
ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਸਿੱਖ ਐਸੋਸੀਏਸ਼ਨ ਆਫ ਬਾਲਟੀਮੋਰ ਗੁਰੂਘਰ ਸੰਗਤਾਂ ਨੂੰ ਸੰਬੋਧਨ ਕਰਕੇ ਉਨ੍ਹਾਂ ਕਿਹਾ ਕਿ ਸਾਨੂੰ ਹਰ ਪਾਰਟੀ ਦੇ ਨਾਲ ਹੱਥ ਵਧਾਉਣ ਲਈ ਅੱਗੇ ਆਉਣਾ ਚਾਹੀਦਾ ਹੈ ਅਤੇ ਆਪਣੀਆ ਮੁਸ਼ਕਲਾਂ ਨੂੰ ਉਨ੍ਹਾਂ ਤੱਕ ਪਹੁੰਚਾਉਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਟਰੰਪ ਪ੍ਰਸਾਸ਼ਨ ਦੇ ਕਾਫੀ ਨੇੜੇ ਹਨ ਅਤੇ ਪੈਨਸ ਉੱਪ ਰਾਸ਼ਟਰਪਤੀ ਦੇ ਖਾਸ ਚਹੇਤੇ ਹਨ। ਉਨ੍ਹਾਂ ਮਹਿਸੂਸ ਕੀਤਾ ਕਿ ਸਾਨੂੰ ਸਿੱਖਿਆ ਅਤੇ ਰਾਜਨੀਤੀ ਪੱਖ ਨੂੰ ਮਜ਼ਬੂਤ ਕਰਨਾ ਚਾਹੀਦਾ ਹੈ ਜਿਸ ਲਈ ਸਿੱਖ ਪੈਕ ਕੰਮ ਕਰ ਰਿਹਾ ਹੈ। ਸੋ ਤੁਸੀਂ ਸਹਿਯੋਗ ਕਰੋ ਤਾਂ ਅਸੀਂ ਨਵਾਂ ਮੀਲ ਪੱਥਰ ਸਥਾਪਤ ਕਰ ਸਕਦੇ ਹਾਂ।