ਵਾਸ਼ਿੰਗਟਨ ਡੀ.ਸੀ. ਦੇ ਚਾਈਨੀ ਮਿਊਜ਼ੀਅਮ ਵਿੱਚ ਬਾਬੇ ਨਾਨਕ ਦੀ ਤਸਵੀਰ ਸਥਾਪਿਤ

* ਸਿੱਖਸ ਆਫ ਯੂ. ਐੱਸ. ਏ. ਦੇ ਉਪਰਾਲੇ ਨਾਲ ਇਹ ਕਾਰਜ ਸਫਲ ਹੋਇਆ : ਗੁਰਚਰਨ ਸਿੰਘ ਗੁਰੂ
ਵਾਸ਼ਿੰਗਟਨ ਡੀ. ਸੀ. (ਵਿਸ਼ੇਸ਼ ਪ੍ਰਤੀਨਿਧ) - ਚੀਨੀ ਕਮਿਊਨਿਟੀ ਨੇ ਆਪਣੇ ਹੈਰੀਟੇਜ ਨੂੰ ਕਾਇਮ ਰੱਖਣ ਵਾਸਤੇ ਇੱਕ ਮਿਊਜ਼ੀਅਮ ਵਾਸ਼ਿੰਗਟਨ ਡੀ. ਸੀ. ਸੋਲਾਂ ਸਟ੍ਰੀਟ 2018 ਤੇ ਸਥਾਪਿਤ ਕੀਤਾ ਹੈ। ਇਸ ਮਿਊਜ਼ੀਅਮ ਦੇ ਉਦਘਾਟਨ ਸਮੇ ਸਿੱਖਸ ਆਫ ਯੂ. ਐੱਸ. ਏ. ਦੇ ਦੋ ਨੁੰਮਾਇਦੇ ਹਾਜ਼ਰ ਹੋਏ। ਮਿਊਜ਼ੀਅਮ ਨੂੰ ਨਿਰੀਖਣ ਕਰਨ ਉਪਰੰਤ ਗੁਰਚਰਨ ਸਿੰਘ ਗੁਰੂ ਨੇ ਕਿਹਾ ਕਿ ਸਾਡੇ ਪਹਿਲੇ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਚੌਥੀ ਉਦਾਸੀ ਵੇਲੇ ਚੀਨ ਗਏ ਸਨ। ਜਿੱਥੇ ਨਾਨਕੀ ਸ਼ਹਿਰ ਵਸਿਆ ਹੋਇਆ ਹੈ। ਗੁਰੂ ਸਾਹਿਬ ਕੋਲ ਕੁਝ ਚੀਨੀਆਂ ਨੇ ਪਾਣੀ ਦੀ ਸਮੱਸਿਆ ਦੱਸੀ। ਗੁਰੂ ਸਾਹਿਬ ਨੇ ਨੇੜੇ ਜੰਮੀ ਝੀਲ ਨੂੰ ਪਾਣੀ ਵਿੱਚ ਤਬਦੀਲ ਕਰਕੇ ਪਾਣੀ ਦੀ ਸਮੱਸਿਆ ਦਾ ਹੱਲ ਕੀਤਾ। ਅੱਜ ਵੀ ਉਸ ਝੀਲ ਦਾ ਪਾਣੀ ਉਸੇ ਤਰ੍ਹਾਂ ਸਥਿਤ ਹੈ। ਚੀਨੇ ਉਸ ਪਾਣੀ ਦੀ ਵਰਤੋਂ ਕਰਦੇ ਹਨ। ਬਾਬੇ ਨਾਨਕ ਨੂੰ ਚੀਨੇ “ਨਾਨਕ ਨਾਮਾ’’ ਨਾਲ ਯਾਦ ਕਰਦੇ ਹਨ।
    ਸਟੇਜ ਤੋ ਸੰਬੋਧਨ ਕਰਕੇ ਗੁਰਚਰਨ ਸਿੰਘ ਨੇ ਕਿਹਾ ਕਿ “ਨਾਨਕ ਨਾਮਾ” ਦੀ ਯਾਦ ਇਸ ਮਿਊਜ਼ੀਅਮ ਵਿੱਚ ਤਸਵੀਰ ਹੋਣੀ ਲਾਜ਼ਮੀ ਹੈ। ਜਿਸ ਨੂੰ ਪ੍ਰਬੰਧਕਾਂ ਨੇ ਸਵੀਕਾਰਿਆ ਤੇ ਕਿਹਾ ਕਿ ਅਗਲੇ ਸਮਾਗਮ ਵਿੱਚ ਬਾਬਾ ਜੀ ਦੀ ਤਸਵੀਰ ਲੈ ਕੇ ਆਉਣਾ।
    ਮਿਊਜ਼ੀਅਮ ਡਾਇਰੈਕਟਰ ਡੇਵਿਡ ਤੇ ਫਾਊਂਡਰ ਜੈਨੀ ਨੇ ਗਿੱਲ ਤੇ ਗੁਰੂ ਨੂੰ ਸਪੈਸ਼ਲ ਸੱਦਾ ਦਿੱਤਾ ਤੇ ਬੇਨਤੀ ਕੀਤੀ ਕਿ “ਨਾਨਕ ਨਾਮਾ” ਦੀ ਤਸਵੀਰ ਭੇਂਟ ਕਰੋ ਤਾਂ ਜੋ ਮਿਊਜ਼ੀਅਮ ਵਿੱਚ ਸਥਾਪਿਤ ਕੀਤੀ ਜਾਵੇ। ਸੋ ਚੀਨੀ ਮਿਊਜ਼ੀਅਮ ਦੇ ਡਾਇਰੈਕਟਰ ਡੇਵਿਡ ਤੇ ਜੈਨੀ ਫਾਊਂਡਰ ਡਾਇਰੈਕਟਰ ਤੇ ਕਰਸਟੀਨਾ ਨੇ ਚੀਨੀ ਮਿਊਜ਼ੀਅਮ ਬੋਰਡ ਵੱਲੋਂ ਤਸਵੀਰ ਗੁਰਚਰਨ ਸਿੰਘ ਤੋ ਪ੍ਰਾਪਤ ਕੀਤੀ। ਜੋ ਮਿਊਜ਼ੀਅਮ ਵਿੱਚ ਸਥਾਪਿਤ ਕੀਤੀ ਗਈ ਹੈ।
    ਸਿੱਖਸ ਆਫ ਯੂ. ਐੱਸ. ਏ. ਨੇ ਸਿੱਖ ਕਮਿਊਨਿਟੀ ਵੱਲੋਂ ਇਤਿਹਾਸ ਸਿਰਜ ਦਿੱਤਾ ਹੈ। ਕਿ ਅਮਰੀਕਾ ਦੀ ਰਾਜਸਥਾਨੀ ਵਿੱਚ ਸਿੱਖ ਮਿਊਜ਼ੀਅਮ ਤੇ ਨਹੀਂ ਹੈ। ਪਰ ਚੀਨੀ ਮਿਊਜ਼ੀਅਮ ਵਿੱਚ ਸਿੱਖਾਂ ਦੇ ਮੌਢੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਤਸਵੀਰ ਸਥਾਪਿਤ ਕਰਕੇ ਸਿੱਖ ਕਮਿਊਨਿਟੀ ਤੇ ਸਿੱਖ ਧਰਮ ਦਾ ਬੋਲਬਾਲਾ ਸੰਸਾਰ ਦੀ ਰਾਜਧਾਨੀ ਵਿੱਚ ਕਰਕੇ ਗੁਰੂ ਦੀ ਅਸੀਸ ਲਈ ਹੈ। ਸਿੱਖ ਕਮਿਊਨਿਟੀ ਨੂੰ ਅਪੀਲ ਹੈ ਕਿ ਉਹ ਇਸ ਮਿਊਜ਼ੀਅਮ ਵਿੱਚ ਫੇਰੀ ਪਾਉਣ ਤੇ ਦੇਖਣ ਕਿਸ ਤਰ੍ਹਾਂ ਦੂਜੀਆਂ ਕਮਿਊਨਿਟੀਆਂ ਆਪਣੇ ਵਿਰਸੇ, ਧਰਮ ਨੂੰ ਸੰਭਾਲਦੀਆਂ ਹਨ। ਚੀਨ ਦੇ ਅੰਬੈਸਡਰ ਨੇ ਕਿਹਾ ਕਿ ਇਹ ਸਾਡੇ ਲਈ ਮਾਣ ਵਾਲੀ ਗੱਲ ਹੈ। ਅਸੀਂ ਗੁਰੂ ਸਿੰਘ ਤੇ ਗਿੱਲ ਸਿੰਘ ਦੇ ਰਿਣੀ ਹਾਂ ਜਿਨ੍ਹਾਂ ਨੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਯਾਦ ਚੀਨੀ ਕਮਿਊਨਿਟੀ ਨੂੰ ਕਰਵਾਕੇ, ਨਾਨਕੀ ਸ਼ਹਿਰ ਤੇ ਪਾਣੀ ਦੀ ਕਿੱਲਤ ਦੇ ਹੱਲ ਵਿੱਚ ਗੁਰੂ ਦੇ ਯੋਗਦਾਨ ਬਾਰੇ ਦੱਸਿਆ ਹੈ। ਨਾਨਕ ਨਾਮਾ ਦੀ ਯਾਦ ਨੂੰ ਸਾਡੇ ਹੈਰੀਟੇਜ ਵਿੱਚ ਸਮੋ ਦਿੱਤਾ ਹੈ। ਜੋ ਰਹਿੰਦੀ ਦੁਨੀਆ ਤੱਕ ਸਾਡੀ ਯਾਦ ਦਾ ਹਿੱਸਾ ਬਣਿਆ ਰਹੇਗਾ। ਇਸ ਮੌਕੇ ਸਬਰੰਗ ਟੀ.ਵੀ. ਦੇ ਸੀ. ਈ. ਓ. ਹਰਜੀਤ ਸਿੰਘ ਨੇ ਸਾਰੀ ਕਾਰਵਾਈ ਨੂੰ ਕੈਮਰਾਬੰਦ ਕਰਕੇ ਕਮਿਊਨਿਟੀ ਨੂੰ ਇਸ ਹੈਰੀਟੇਜ ਬਾਰੇ ਜਾਗਰੂਕ ਕਰਨ ਦਾ ਰੋਲ ਅਦਾ ਕੀਤਾ ਹੈ।