ਸਿੱਖਸ ਆਫ ਯੂ. ਐੱਸ. ਏ. ਤੇ ਸਿੱਖ ਕਮਿਊਨਿਟੀ ਸੈਂਟਰ ‘ਗਰੀਨ ਕਾਰਡ ਮੁਹਿੰਮ’ ਸਾਂਝੇ ਤੌਰ ਤੇ ਚਲਾਏਗਾ

ਮੈਰੀਲੈਂਡ (ਗਿੱਲ) - ਬਹੁਤਾਤ ਵਿੱਚ ਲੋਕਾਂ ਨੂੰ ਪਤਾ ਹੀ ਨਹੀਂ ਕਿ ਗਰੀਨ ਕਾਰਡ ਫਾਰਮ ਕਿਸ ਤਰ੍ਹਾਂ  ਭਰਨੇ ਹਨ, ਕਿੱੱਥੇ ਭੇਜਣੇ ਹਨ, ਕਿੰਨੀ ਫੀਸ ਹੈ। ਫੀਸ ਮੁਆਫੀ ਕਿੰਨਾ ਸਥਿਤੀਆਂ ਵਿੱਚ ਮੁਆਫ ਹੁੰਦੀ ਹੈ। ਇਸ ਸੰਬੰਧੀ ਗਿਆਨ ਦੇਣ ਲਈ “ਇੰਮੀਗ੍ਰੇਸ਼ਨ ਜਾਗਰੂਕ” ਹਫਤਾ ਮਨਾਇਆ ਜਾ ਰਿਹਾ ਹੈ। ਜਿਸ ਦਾ ਆਯੋਜਨ ਸਿੱਖਸ ਆਫ ਯੂ. ਐੱਸ. ਏ. ਸੰਸਥਾ ਕਰੇਗੀ। ਜਿੱਥੇ ਹਮ ਖਿਆਲੀ ਸੰਸਥਾਵਾਂ ਦੇ ਵਲੰਟੀਅਰ ਨੂੰ ਲਿਆ ਜਾ ਰਿਹਾ ਹੈ। ਉੱਥੇ ਇੰਮੀਗ੍ਰੇਸ਼ਨ ਸੰਬੰਧੀ ਮੁਫਤ ਜਾਣਕਾਰੀ ਤੋਂ ਇਲਾਵਾ ਗਰੀਨ ਕਾਰਡ ਦੇ ਫਾਰਮ ਮੁਫਤ ਭਰਨ ਦੀ ਪ੍ਰਕਿਰਿਆ ਨੂੰ ਅਮਲ ਵਿੱਚ ਲਿਆਂਦਾ ਜਾਵੇਗਾ। ਸਿੱਖ ਕਮਿਊਨਿਟੀ ਸੈਂਟਰ ਪੂਰੀਆਂ ਸੇਵਾਵਾਂ ਦੇਵੇਗਾ। ਸਬੰਧਤ ਵਿਅਕਤੀ ਨੂੰ ਲਿਫਾਫਾ ਬਣਾ ਕੇ ਦਿੱਤਾ ਜਾਵੇਗਾ। ਜੋ ਸਿਰਫ ਮੇਲ ਹੀ ਕਰਨਾ ਹੋਵੇਗਾ। ਇਸ ਲਈ ਰਜਿਸਟ੍ਰੇਸ਼ਨ ਬਾਕਾਇਦਾ ਕੀਤੀ ਜਾਵੇਗੀ। ਸਥਾਨਕ ਮੈਰੀਲੈਂਡ ਯੂਨੀਵਰਸਟੀ ਤੋਂ ਆਈ. ਟੀ. ਖੇਤਰ ਦੇ ਵਲੰਟੀਅਰ ਤੇ ਕੰਪਿਊਟਰ ਲੈਬ ਨੂੰ ਵਰਤਿਆ ਜਾਵੇਗਾ। ਜਿੱਥੇ ਭੋਲੇ ਭਾਲੇ ਇੰਮੀਗ੍ਰਾਂਟਸ ਨੂੰ ਵਕੀਲਾਂ ਦੇ ਪਿੱਛੇ ਨਹੀਂ ਘੰਮਣਾ ਪਵੇਗਾ ਤੇ ਨਾ ਹੀ ਪੈਸੇ ਦੀ ਬਰਬਾਦੀ ਹੋਵੇਗੀ। ਸੋ ਜਰੂਰਤਮੰਦ ਵਿਅਕਤੀ ਫੋਨ ਰਾਹੀਂ ਸੰਪਰਕ ਕਰਨ ਤੇ ਇਸ ਇੰਮੀਗ੍ਰੇਸ਼ਨ ਜਾਗਰੂਕ ਸਪਤਾਹ ਦਾ ਲਾਭ ਲੈਣ। ਇਹ ਸਪਤਾਹ ਪੰਦਰਾਂ ਨਵੰਬਰ ਤੋਂ ਸ਼ੁਰੂ ਹੋਵੇਗਾ। ਜਾਣਕਾਰੀ ਲਈ ਫੋਨ ਨੰਬਰ 443-454-9702 ਤੇ ਸੰਪਰਕ ਕਰਕੇ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹੋ। ਇਹ ਸਾਰਾ ਕਾਰਜ ਸਿੱਖਸ ਆਫ ਯੂ. ਐੱਸ. ਏ. ਸੰਸਥਾ ਦੇ ਅਧੀਨ ਸਿੱਖ ਕਮਿਊਨਿਟੀ ਸੈਂਟਰ ਨਾਰਥ ਅਮਰੀਕਾ ਦੇ ਸਹਿਯੋਗ ਨਾਲ ਹੋਵੇਗਾ।