ਐਡਮਿੰਟਨ ਵਿਖੇ ਪੁਸਤਕ ਵਿਮੋਚਨ ਤੇ ਵਿਚਾਰ ਚਰਚਾ

ਐਡਮਿੰਟਨ (ਗਗਨ ਦਮਾਮਾ ਬਿਓਰੋ) - ਸਵੇਂਟ ਹਨਸੇਨ ਪਬਲਿਕ ਸਕੂਲ ਐਡਮਿੰਟਨ ਕੈਨੇਡਾ ਵਿਖੇ ਇੱਕ ਵਿਸ਼ੇਸ਼ ਪੁਸਤਕ ਵਿਮੋਚਨ ਤੇ ਵਿਚਾਰ ਚਰਚਾ ਸਮਾਗਮ ਦਾ ਆਯੋਜਨ ਕੀਤਾ ਗਿਆ। ਇਸ ਵਿੱਚ ਮੁੱਖ ਮਹਿਮਾਨ ਵਜੋਂ ਪ੍ਰਸਿੱਧ ਸਾਹਿਤਕਾਰ ਬਲਵਿੰਦਰ ਬਾਲਮ ਅਤੇ ਲੇਖਕ ਬਲਦੇਵ ਰਾਜ ਨੇ ਸ਼ਿਰਕਤ ਕੀਤੀ। ਪ੍ਰਧਾਨਗੀ ਦੇ ਫਰਜ਼ ਅਦਾ ਕੀਤੇ। ਇਸ ਕੈਂਪ ਦੇ ਸੰਚਾਲਕ ਵਰਿੰਦਰ ਪਾਲ ਸਿੰਘ ਭੁੱਲਰ ਸਨ।
ਇਸ ਮੌਕੇ ਤੇ ਪ੍ਰਸਿੱਧ ਲੇਖਕ ਡਾ. ਅਗਨੀ ਸ਼ੇਖਰ ਦੀ ਪੁਸਤਕ 'ਜਵਾਹਰ ਟਨਲ' (ਕਵਿਤਾਵਾਂ) ਅਤੇ ਬਲਦੇਵ ਰਾਜ ਦੀ ਇੰਗਲਿਸ਼ ਪੁਸਤਕ 'ਦਾ ਪਾਵਰ ਆਫ ਪੋਜ਼ਿਟਿਵ ਥਿਨਕਿੰਗ ਐਂਡ ਐਟੀਚਿਉਟ' ਦਾ ਵਿਮੋਚਨ ਕੀਤਾ ਗਿਆ।  
ਇਸ ਮੌਕੇ ਤੇ ਪੁਸਤਕਾਂ ਦੇ ਸੰਦਰਭ ਵਿੱਚ ਬੋਲਦੇ ਹੋਏ ਬਲਵਿੰਦਰ ਬਾਲਮ ਨੇ ਕਿਹਾ ਕਿ 'ਜਵਾਹਰ ਟਨਲ' ਪੁਸਤਕ ਜੋ ਹਿੰਦੀ ਵਿੱਚ ਲਿਖੀ ਗਈ ਹੈ ਅਤੇ ਇਸਦਾ ਪੰਜਾਬੀ ਅਨੁਵਾਦ ਸ਼ਿਰਾਜ਼ਾ ਮੈਗਜ਼ੀਨ ਜੰਮੂ ਕਸ਼ਮੀਰ ਦੇ ਸੰਪਾਦਕ ਪੋਪਿੰਦਰ ਸਿੰਘ ਪਾਰਸ ਨੇ ਬਿੰਬ ਪ੍ਰਤੀਕਾਂ ਨੂੰ ਸਹੀ ਢੁਕਵੀਂ ਸ਼ਬਦਾਵਲੀ ਦੇ ਕੇ ਅਰਥਾਂ ਦੀ ਪਰਿਭਾਸ਼ਾ ਨਾਲ ਇਨਸਾਫ ਕੀਤਾ ਹੈ। ਇਹ ਪੁਸਤਕ ਮੌਜੂਦਾ ਮਾਹੌਲ ਅਤੇ ਜੰਮੂ ਕਸ਼ਮੀਰ ਦੀ ਵਰਤਮਾਨ ਤ੍ਰਾਸਦੀ ਦੀ ਮੂੰਹ ਬੋਲਦੀ ਤਸਵੀਰ ਹੈ।
ਬਲਦੇਵ ਰਾਜ ਦੀ ਪੁਸਤਕ ਵਿੱਚ ਮੁਹਾਵਰੇ ਅਤੇ ਲੋਕਕਤੀਆਂ ਦੀ ਭਰਮਾਰ ਹੈ ਜੋ ਇਨਸਾਨੀ ਕਦਰਾਂ ਕੀਮਤਾਂ ਨੂੰ ਉਜਾਗਰ ਕਰਦੀ ਹੈ। ਨੌਜਵਾਨਾਂ ਲਈ ਇਹ ਪੁਸਤਕ ਇੱਕ ਵਰਦਾਨ ਹੈ।
ਕਵਿਤਾਵਾਂ ਦੇ ਦੌਰ ਤੋਂ ਇਲਾਵਾ ਵੱਖ-ਵੱਖ ਬੁਲਾਰਿਆਂ ਨੇ ਆਪਣੇ-ਆਪਣੇ ਕੀਮਤੀ ਵਿਚਾਰ ਰੱਖੇ। ਸਮਾਗਮ ਵਿੱਚ ਵਿਦਿਆਰਥੀਆਂ ਤੋਂ ਇਲਾਵਾ ਵਰਿੰਦਰ ਭੁੱਲਰ, ਵਿਦਾਨ ਪੁਰਾਣੀਂ, ਅਮਨ ਬਾਸੀ, ਅਰਿਵੰਦਰ ਭੁੱਲਰ, ਦਰਸ਼ਨ ਸ਼ਰਮਾ, ਨਵੀ ਬਾਸੀ, ਸਰਵਜੀਤ ਮਾਹਿਲ, ਜਸਲੀਨ ਕੌਰ, ਅਰਵਿੰਦਰ ਕੌਰ ਆਰਟਿਸਟ, ਸਤਿੰਦਰ, ਹਰਜਿੰਦਰ ਸਿੰਘ, ਬਲਬੀਰ ਕੌਰ, ਕਰਣਪ੍ਰਤਾਪ ਸਿੰਘ, ਆਮੀਨ, ਸੁਕਰਾਤ, ਬਲਬੀਰ ਕੌਰ, ਐਸਮੀਨ ਆਦਿ ਨੇ ਸ਼ਿਰਕਤ ਕੀਤੀ।