ਕੰਵਲਜੀਤ ਸਿੰਘ ਸੋਨੀ ਪਾਕਿਸਤਾਨ ਸਿੱਖ ਕੌਂਸਲ ਵਲੋਂ 'ਸੇਵਾ ਅਵਾਰਡ' ਨਾਲ ਸਨਮਾਨਿਤ

ਮੈਰੀਲੈਂਡ (ਗਿੱਲ) – ਸਿੱਖਸ ਆਫ ਅਮਰੀਕਾ ਦੇ ਪ੍ਰਧਾਨ ਕੰਵਲਜੀਤ ਸਿੰਘ ਸੋਨੀ ਦਾ ਕਮਿਊਨਿਟੀ ਪ੍ਰਤੀ ਨਿਭਾਈਆਂ ਸੇਵਾਵਾਂ ਬਦਲੇ ਪਾਕਿਸਤਾਨ ਸਿੱਖ ਕੌਂਸਲ ਵਲੋਂ 'ਸੇਵਾ ਅਵਾਰਡ' ਨਾਲ ਸਨਮਾਨ ਗਿਆ। ਇਹ ਸਨਮਾਨ ਸਥਾਨਕ ਸੰਸਥਾ ਵਲੋਂ ਨਹੀਂ ਦਿੱਤਾ, ਸਗੋਂ ਪਾਕਿਸਤਾਨ ਸਿੱਖ ਕੌਂਸਲ ਜੋ ਪਿਛਲੇ ਲੰਬੇ ਸਮੇਂ ਤੋਂ ਨਜ਼ਰ ਰੱਖੀ ਹੋਈ ਸੀ ਕਿ ਅਮਰੀਕਾ ਵਿੱਚ ਕਿਹੜੀ ਸੰਸਥਾ ਅਤੇ ਜਿਹੜਾ ਵਿਅਕਤੀ ਕਮਿਊਨਿਟੀ ਦੀ ਸੇਵਾ ਹਰ ਪੱਖੋਂ ਕਰ ਰਿਹਾ ਹੈ।
ਸਮੁੱਚੀ ਸਿੱਖ ਕੌਂਸਲ ਵਲੋਂ ਕੰਵਲਜੀਤ ਸਿੰਘ ਸੋਨੀ ਨੂੰ ਚੁਣਿਆ ਹੈ। ਉਨ੍ਹਾਂ ਦਾ ਅਵਾਰਡ ਰਮੇਸ਼ ਸਿੰਘ ਖਾਲਸਾ ਚੀਫ ਪੈਟਰਨ ਪਾਕਿਸਤਾਨ ਸਿੱਖ ਕੌਂਸਲ ਖਾਸ ਤੌਰ ਤੇ ਲੈ ਕੇ ਆਏ ਸਨ। ਇਹ ਅਵਾਰਡ ਉਨ੍ਹਾਂ ਨੂੰ ਸਿੱਖਸ ਆਫ ਅਮਰੀਕਾ ਵਲੋਂ ਬੁਲਾਈ ਗਈ ਮੀਟਿੰਗ ਦੌਰਾਨ ਚੇਅਰਮੈਨ ਜਸਦੀਪ ਸਿੰਘ ਜੱਸੀ ਦੀ ਹਾਜ਼ਰੀ ਵਿੱਚ ਦਿੱਤਾ ਗਿਆ। ਜਿਸ ਨੂੰ ਰਮੇਸ਼ ਸਿੰਘ ਖਾਲਸਾ ਨੇ ਆਪਣੇ ਕਰ ਕਮਲਾਂ ਨਾਲ ਦਿੱਤਾ।
ਕੰਵਲਜੀਤ ਸਿੰਘ ਸੋਨੀ ਵਲੋਂ ਪਾਕਿਸਤਾਨ ਸਿੱਖ ਕੌਂਸਲ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਹ ਜਲਦੀ ਹੀ ਪਾਕਿਸਤਾਨ ਦੇ ਗੁਰੂਘਰਾਂ ਦੇ ਦਰਸ਼ਨ ਕਰਨਗੇ ਅਤੇ ਇੱਕ ਗੁਰੂ ਘਰ ਦੀ ਕਾਰ ਸੇਵਾ ਨੂੰ ਆਪਣੇ ਹੱਥੀਂ ਸਿੱਖਸ ਆਫ ਅਮਰੀਖਾ ਰਾਹੀਂ ਕਰਨਗੇ।