ਨਨਕਾਣਾ ਸਾਹਿਬ ਤੋਂ ਗੁਰੂ ਨਾਨਕ ਯੂਨੀਵਰਸਿਟੀ ਤਬਦੀਲੀ ਸਬੰਧੀ ਸਿੱਖਾਂ ਵਲੋਂ ਪਾਕਿਸਤਾਨ ਅੰਬੈਸੀ ਕੋਲ ਰੋਸ ਜੁਟਾਉਣ ਦੀ ਤਿਆਰੀ

ਵਾਸ਼ਿੰਗਟਨ ਡੀ. ਸੀ. (ਗਿੱਲ) – ਸਿੱਖਾਂ ਦਾ ਰੋਸ ਦਿਨੋ ਦਿਨ ਵਧੀ ਜਾ ਰਿਹਾ ਹੈ, ਕਿਉਂਕਿ ਓਕਾਫ ਬੋਰਡ ਦੇ ਚੇਅਰਮੈਨ ਮੁਹੰਮਦ ਸਦੀਕ ਉਲ ਫਾਰੂਕ ਦੇ ਕੰਨ ਤੇ ਜੂੰ ਨਹੀਂ ਸਰਕ ਰਹੀ ਹੈ। ਉਸ ਵਲੋਂ ਯੂਨੀਵਰਸਿਟੀ ਤਬਦੀਲ ਕਰਨ ਦਾ ਫੈਸਲਾ ਜਿੱਥੇ ਪਾਕਿਸਤਾਨ ਲਈ ਸਿਰਦਰਦੀ ਬਣ ਰਿਹਾ ਹੈ, ਉੱਥੇ ਫਾਰੂਕੀ ਦੀ ਨਲਾਇਕੀ ਨੂੰ ਵੀ ਨਕਾਰਿਆ ਨਹੀਂ ਜਾ ਸਕਦਾ। ਨਨਕਾਣਾ ਸਾਹਿਬ ਦੀ ਮੈਂਬਰ ਨੈਸ਼ਨਲ ਅੰਸੈਬਲੀ ਡਾ. ਸਾਜ਼ਦਾ ਅਨੁਸਾਰ ਬਾਬੇ ਨਾਨਕ ਦੀ ਯੂਨੀਵਰਸਿਟੀ ਨੂੰ ਤੀਜੀ ਵਾਰ ਬਦਲਿਆ ਗਿਆ ਜੋ ਸਿਰਫ ਤੇ ਸਿਰਫ ਓਕਾਫ ਬੋਰਡ ਦੇ ਚੇਅਰਮੈਨ ਦੀ ਨਲਾਇਕੀ ਹੈ। ਜਿਸ ਕਰਕੇ ਪਾਕਿਸਤਾਨੀ ਪੁਜ਼ੀਸ਼ਨ ਹਾਸੋਹੀਣੀ ਬਣ ਗਈ ਹੈ।
ਵਿਦੇਸ਼ੀ ਸਿੱਖਾਂ ਦਾ ਇੱਕ ਵਫਦ ਪਾਕਿਸਤਾਨ ਅੰਬੈਸੀ ਦੇ ਅੰਬੈਸਡਰ ਨੂੰ ਇੱਕ ਮੈਮੋਰੰਡਮ ਦੇਣ ਲਈ ਤਿਆਰੀ ਕਰ ਰਿਹਾ ਹੈ ਕਿ ਫਾਰੂਨੀ ਦੇ ਫੈਸਲੇ ਨੂੰ ਪਾਕਿਸਤਾਨ ਸਰਕਾਰ ਤੁਰੰਤ ਬਦਲ ਕੇ ਯੂਨੀਵਰਸਿਟੀ ਨੂੰ ਨਨਕਾਣਾ ਸਾਹਿਬ ਬਣਾਉਣ ਦੀ ਸਹਿਮਤੀ ਪ੍ਰਗਟਾਈ।
ਜ਼ਿਕਰਯੋਗ ਹੈ ਕਿ ਯੂਸਫ ਗਿਲਾਨੀ ਸਾਬਕਾ ਪ੍ਰਧਾਨ ਮੰਤਰੀ ਵਲੋਂ ਨਨਕਾਣਾ ਸਾਹਿਬ ਬਾਬੇ ਨਾਨਕ ਦੀ ਯੂਨੀਵਰਸਿਟੀ ਬਣਾਉਣ ਦਾ ਫੈਸਲਾ ਕੀਤਾ ਸੀ। ਜਿਸ ਨੂੰ ਨਵਾਜ ਸ਼ਰੀਫ ਨੇ ਪ੍ਰਵਾਨ ਕਰਦੇ ਹੋਏ ਫੰਡ ਜਾਰੀ ਕੀਤੇ ਸਨ। ਪਰ ਪਤਾ ਨਹੀਂ ਕਿਉਂ ਓਕਾਫ ਬੋਰਡ ਦੇ ਚੇਅਰਮੈਨ ਨੂੰ ਯੂਨੀਵਰਸਿਟੀ ਨਨਕਾਣਾ ਸਾਹਿਬ ਬਣਾਉਣ ਦਾ ਐਲਾਨ ਹਜ਼ਮ ਨਹੀਂ ਹੋਇਆ। ਉਸਨੇ ਪਹਿਲਾ ਸ਼ੇਖੂਪੁਰਾ ਫਿਰ ਇਸਲਾਮਾਬਾਦ ਤਬਦੀਲ ਕਰਕੇ ਕੀ ਸਾਬਤ ਕਰਨਾ ਚਾਹੁੰਦੇ ਹਨ।
ਵਿਦੇਸ਼ੀ ਸਿੱਖਾਂ ਦਾ ਇੱਕ ਵਫਦ ਸਿਖਸ ਆਫ ਅਮਰੀਕਾ ਸੰਸਥਾ ਦੇ ਝੰਡੇ ਹੇਠ ਪਾਕਿਸਤਾਨ ਅੰਬੈਸੀ ਨੂੰ ਮੈਮੋਰੰਡਮ ਦੇਣ ਜਾ ਰਿਹਾ ਹੈ। ਜਿਸ ਦਾ ਆਯੋਜਨ ਸਾਜਿਦ ਤਰਾਰ ਚੇਅਰਮੈਨ ਸੈਂਟਰ ਫਾਰ ਸੋਸਲ ਚੇਂਜ ਕਰਨਗੇ। ਇਸ ਵਫਦ ਵਿੱਚ ਵੱਖ-ਵੱਖ ਗੁਰੂਘਰਾਂ ਦੇ ਨੁਮਾਇੰਦੇ ਅਤੇ ਸਿੱਖ ਜਥੇਬੰਦੀਆਂ ਹਿੱਸਾ ਲੈਣਗੀਆਂ ਜੋ ਪਾਕਿਸਤਾਨ ਅੰਬੈਸੀ ਰਾਹੀਂ ਜ਼ੋਰ ਸਰਕਾਰ ਤੇ ਪਾਵੇਗੀ ਕਿ ਫਾਰੂਕੀ ਦੇ ਫੈਸਲੇ ਨੂੰ ਤੁਰੰਤ ਬਦਲ ਕੇ ਯੂਨੀਵਰਸਿਟੀ ਪਹਿਲੀ ਪਾਤਸ਼ਾਹੀ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੂੰ ਨਨਕਾਣਾ ਸਾਹਿਬ ਬਣਾਇਆ ਜਾਵੇ।
ਸਿੱਖ ਵਫਦ ਦਾ ਕਹਿਣਾ ਹੈ ਕਿ ਜੇਕਰ ਇਹ ਤਬਦੀਲੀ ਨਾ ਕੀਤੀ ਤਾਂ ਵਿਦੇਸ਼ਾ ਵਿੱਚ ਸਥਿਤ ਪਾਕਿਸਤਾਨ ਅੰਬੈਸੀਆਂ ਸਾਹਮਣੇ ਰੋਜ਼ਾਨਾ ਰੋਸ ਮੁਜ਼ਾਹਰੇ ਕੀਤੇ ਜਾਣਗੇ। ਇਨ੍ਹਾਂ ਹਾਲਾਤਾਂ ਦੇ ਉਤਪੰਨ ਹੋਣ ਦਾ ਅੰਜਾਮ ਸਾਰਾ ਫਾਰੂਕੀ ਦੇ ਸਿਰ ਮੜ੍ਹਿਆ ਜਾਵੇਗਾ।
ਸਿੱਖਾਂ ਵਲੋਂ ਪਾਕਿਸਤਾਨ ਵਕੀਲਾਂ ਅਤੇ ਬਾਰ ਐਸੋਸੀਏਸ਼ਨ ਵਲੋਂ ਉਠਾਏ ਰੋਸ ਦੀ ਸ਼ਲਾਘਾ ਕੀਤੀ ਕਿ ਉਨ੍ਹਾਂ ਨੂੰ ਵੀ ਯੂਨੀਵਰਸਿਟੀ ਇਸਲਾਮਾਬਾਦ ਤਬਦੀਲ ਕਰਨ ਦਾ ਰੋਸ ਜੁਟਾਇਆ ਹੈ। ਹਾਲ ਦੀ ਘੜੀ ਇਹ ਮਸਲਾ ਦਿਨੋ ਦਿਨ ਭਖੀ ਜਾ ਰਿਹਾ ਹੈ। ਵੇਖਣ ਵਾਲੀ ਗੱਲ ਹੈ ਕਿ ਪਾਕਿਸਤਾਨ ਅੰਬੈਸੀ ਕੀ ਰੁਕ ਅਖਤਿਆਰ ਕਰਦੀ ਹੈ ਤਾਂ ਜੋ ਮਸਲਾ ਠੰਡਾ ਹੋ ਜਾਵੇ।