ਸ਼ੁਬੇਗ ਸਿੰਘ ਦੀ ਮੌਤ ਪੁਲਿਸ ਤੇ ਕਮਿਊਨਿਟੀ ਲਈ ਗੁੱਝਾ ਭੇਦ ਬਣੀ

ਫਰਿਜ਼ਨੋ/ਕੈਲੀਫੋਰਨੀਆਂ (ਰਾਜ ਗੋਗਨਾ) – ਕਾਉਂਟੀ ਪੁਲਿਸ ਡਿਪਟੀ ਦੀ ਕੋਸ਼ਿਸ਼ ਹੈ ਕਿ ੬੮ ਸਾਲਾ ਸ਼ੁਬੇਗ ਸਿੰਘ ਦੀ ਮੌਤ ਦੇ ਜ਼ਿੰਮੇਵਾਰ ਦਾ ਭੇਦ ਪਤਾ ਲਗਾਇਆ ਜਾਵੇ। ਜੋ ਨਾਰਥ ਡਰਾਲਿਸ ਬਲਾਕ ਤੇ ਦੇਰ ਸ਼ਾਮ ਨੂੰ ਐਤਵਾਰ ਵੇਖਿਆ ਗਿਆ ਸੀ। ਉਨ੍ਹਾਂ ਦੇ ਪਰਿਵਾਰ ਮੁਤਾਬਕ ਜਦੋਂ ਸੁਬੇਗ ਸਿੰਘ ਦੇਰ ਤੱਕ ਘਰ ਨਾ ਪਹੁੰਚੇ ਤਾਂ ਉਨ੍ਹਾਂ ਇਸ ਸਬੰਧੀ ਗੁੰਮ ਹੋਣ ਦੀ ਸ਼ਿਕਾਇਤ ਕੀਤੀ ਗਈ। ਪਰ ਪੁਲਿਸ ਦੇ ਡਿਪਟੀ ਅਨੁਸਾਰ ਇਨ੍ਹਾਂ ਦੀ ਲਾਸ਼ ਨੂੰ ਕੈਨਾਲ ਮਨੈਲ ਤੋਂ ਪ੍ਰਾਪਤ ਕੀਤੀ ਜੋ ਪੁਲਿਸ ਲਈ ਗੁੱਝਾ ਭੇਦ ਹੈ।ਛਾਣਬੀਣ ਹੋ ਰਹੀ ਹੈ ਕਿ ਅਜਿਹਾ ਕਿਉਂ ਅਤੇ ਕਿਵੇਂ ਹੋਇਆ। ਪਰ ਸਿੱਖ ਕਮਿਊਨਿਟੀ ਦਾ ਕਹਿਣਾ ਹੈ ਕਿ ਅਜਿਹਾ ਪਹਿਲੀ ਵਾਰ ਨਹੀਂ ਹੋਇਆ ਹੈ। ਇਸ ਸਬੰਧੀ ਡੂੰਘੀ ਘੋਖ ਕਰਕੇ ਅਸਲੀਅਤ ਨੂੰ ਅੰਜ਼ਾਮ ਦਿੱਤਾ ਜਾਵੇ। ਇਸ ਸਬੰਧੀ ਗੁਰਦੀਪ ਸਿੰਘ ਸ਼ੇਰਗਿੱਲ ਨੇ ਕਿਹਾ ਸਿੱਖ ਕਮਿਊਨਿਟੀ ਚਾਹੁੰਦੀ ਹੈ ਕਿ ਇਸ ਸ਼ੱਕ ਤੇ ਗਲਤ ਫਹਿਮੀ ਦਾ ਪਰਦਾਫਾਸ਼ ਕੀਤਾ ਜਾਵੇ ਜੋ ਇੱਕ ਭੇਦ ਬਣਿਆ ਹੋਇਆ ਹੈ। ਕਿਉਂਕਿ ੬੮ ਸਾਲਾ ਬਜ਼ੁਰਗ ਨਾਲ ਅਜਿਹਾ ਵਾਪਰਨਾ ਨਾ ਤਾਂ ਨਫਰਤ ਦਾ ਆਲਮ ਲਗਦਾ ਹੈ ਅਤੇ ਨ ਹੀ ਜ਼ੁਰਮ ਦਾ ਕੋਈ ਸੁਰਾਗ ਪਾਇਆ ਜਾ ਰਿਹਾ ਹੈ।
ਸਿੱਖਾਂ ਦੀ ਦਸਤਾਰ ਇੱਕ ਪਹਿਚਾਣ ਹੈ ਜੋ ਸਾਡੇ ਸੱਭਿਆਚਾਰ ਦਾ ਅੰਗ ਹੈ। ਇਸ ਸਬੰਧੀ ਅਸੀਂ ਜਾਗਰੂਕ ਕਰਦੇ ਆ ਰਹੇ ਹਾਂ ਅਤੇ ਅਜੇ ਵੀ ਵਿਤਕਰੇ ਦੇ ਅੰਸ਼ ਕਿਤੇ ਕਿਤੇ ਪਾਏ ਜਾ ਰਹੇ ਹਨ। ਪਰ ਸ਼ੁਬੇਗ ਸਿੰਘ ਦੀ ਮੌਤ ਦੇ ਭੇਦ ਤੋਂ ਕਮਿਊਨਿਟੀ ਦੁਖੀ ਹੈ। ਇਸ ਦਾ ਸੁਰਾਗ ਜਲਦੀ ਸਾਹਮਣੇ ਲਿਆਂਦਾ ਜਾਵੇਗਾ। ਇਸ ਸਬੰਧੀ ਸਥਾਨਕ ਪੁਲਿਸ ਨੇ ਐਲਾਨ ਕੀਤਾ ਹੈ ਕਿ ਇਸ ਸੁਰਾਗ ਦਾ ਪਤਾ ਫੋਨ ਰਾਹੀਂ ਦੱਸਿਆ ਜਾਵੇ।