ਭਾਰਤੀ ਅੰਬੈਸੀ ਵਲੋਂ ਵਾਸ਼ਿੰਗਟਨ ਡੀ. ਸੀ. ਵਿਖੇ ਵਰਲਡ ਯੋਗਾ ਦਿਵਸ ਮਨਾਇਆ ਗਿਆ

ਵਾਸ਼ਿੰਗਟਨ ਡੀ. ਸੀ. (ਗਿੱਲ) – ਭਾਰਤੀ ਅੰਬੈਸੀ ਵਲੋਂ ਵਰਲਡ ਯੋਗਾ ਦਿਵਸ ਨੂੰ ਹੀ ਅਨੁਸਾਸ਼ਨਕ ਅਤੇ ਵਿਉਂਤਬੰਦੀ ਨਾਲ ਵਾਸ਼ਿੰਗਟਨ ਡੀ. ਸੀ. ਦੇ ਨੈਸ਼ਨਲ ਮਾਲ ਦੀ ਇਤਿਹਾਸਕ ਥਾਂ ਤੇ ਮਨਾਇਆ, ਜਿੱਥੇ ਸੈਂਕੜੇ ਵੱਖ-ਵੱਖ ਕਮਿਊਨਿਟੀ ਦੇ ਪ੍ਰਵਾਸੀ ਪਰਿਵਾਰਾਂ ਅਤੇ ਅਮਰੀਕਨਾ ਨੇ ਹਿੱਸਾ ਲਿਆ। ਵੱਖ-ਵੱਖ ਥਾਵਾਂ ਤੋਂ ਅੰਬੈਸੀ ਵਲੋਂ ਬੱਸਾਂ ਰਾਹੀਂ ਸਹੂਲਤਾਂ ਦੇ ਕੇ ਲੋਕਾਂ ਦੇ ਇਕੱਠ ਨੂੰ ਇਸ ਕੈਂਪ ਵਿੱਚ ਜੁਟਾਇਆ ਗਿਆ।
ਸਭ ਤੋਂ ਪਹਿਲਾਂ ਪ੍ਰਾਰਥਨਾ ਕੀਤੀ ਗਈ, ਉਪਰੰਤ ਇੱਕ-ਇੱਕ ਕਰਕੇ ਉੱਪਰ ਤੋਂ ਲੈ ਕੇ ਹੇਠਾਂ ਤੱਕ ਹਰ ਯੋਗ ਕਿਰਿਆ ਕਰਵਾਈ ਗਈ। ਜਿੱਥੇ ਹਰ ਕੋਈ ਇੱਕ ਡਰੈੱਸ ਵਿੱਚ ਅੰਤਰ-ਰਾਸ਼ਟਰੀ ਯੋਗਾ ਲੋਗੋ ਨਾਲ ਲੈੱਸ ਯੋਗ ਕਿਰਿਆਵਾਂ ਕਰਦੇ ਬਹੁਤ ਹੀ ਸੁੰਦਰ ਅਤੇ ਵਧੀਆ ਲੱਗ ਰਿਹਾ ਸੀ। ਸਮੂਹਿਕ ਤੌਰ ਤੇ ਇਹ ਯੋਗਾ ਦਿਵਸ ਇੱਕ ਵੱਖਰੀ ਛਾਪ ਛੱਡ ਗਿਆ। ਆਏ ਮਹਿਮਾਨਾਂ ਦਾ ਕਹਿਣਾ ਸੀ ਕਿ ਅਜਿਹੀ ਯੋਗਿਕ ਕਿਰਿਆਵਾਂ ਨੂੰ ਰੋਜ ਕਰਨ ਨਾਲ ਅਨੇਕਾਂ ਲਾਭ ਹੁੰਦੇ ਹਨ ਅਤੇ ਸਰੀਰ ਬਿਮਾਰੀਆਂ ਤੋਂ ਮੁਕਤ ਰਹਿੰਦਾ ਹੈ।
ਨਵਤੇਜ ਸਿੰਘ ਸਰਨਾ ਅੰਬੈਸਡਰ ਭਾਰਤੀ ਅੰਬੈਸੀ ਅਤੇ ਉਨ੍ਹਾਂ ਦੀ ਸਮੁੱਚੀ ਟੀਮ ਨੇ ਇਹ ਯੋਗਾ ਅੰਤਰ-ਰਾਸ਼ਟਰੀ ਦਿਵਸ ਮਨਾ ਕੇ ਵੱਖਰਾ ਇਤਿਹਾਸ ਸਿਰਜ ਦਿੱਤਾ ਜਿਸ ਦੀ ਚਰਚਾ ਦੂਰ ਦੂਰ ਤੱਕ ਹੁੰਦੀ ਰਹੀ।
ਸਾਹਮਣੀ ਕਤਾਰ ਵਿੱਚ ਨਵਤੇਜ ਸਿੰਘ ਸਰਨਾ ਭਾਰਤੀ ਅੰਬੈਸਡਰ ਸਮੂਹ ਪ੍ਰਵਾਸੀਆ ਤੇ ਅਮਰੀਕਨਾਂ ਨਾਲ ਯੋਗਾ ਕਰਦੇ ਨਜ਼ਰ ਆ ਰਹੇ ਹਨ।