ਭਾਰਤੀ ਸਾਫਟਵੇਅਰ ਇੰਜੀਨੀਅਰ ਅਤੇ ਉਸਦੇ ਪੁੱਤਰ ਦੀ ਡੁੱਬਣ ਨਾਲ ਮੌਤ

ਵਾਸ਼ਿੰਗਟਨ ਡੀ. ਸੀ. (ਗਿੱਲ) – ਤੈਲਗੂ ਪਿਛੋਕੜ ਸਾਫਟਵੇਅਰ ਇੰਜੀਨੀਅਰ ਅਤੇ ਉਸਦਾ ਤਿੰਨ ਸਾਲਾ ਪੁੱਤਰ ਅਮਰੀਕਾ ਵਿੱਚ ਡੁੱਬਕੇ ਮੌਤ ਦੀ ਬਲੀ ਚੜ੍ਹ ਗਏ। ਜਿੱਥੇ ਇਸ ਘਟਨਾ ਨੂੰ ਬਹੁਤ ਹੀ ਨਾਜ਼ੁਕ ਲਿਆ ਜਾ ਰਿਹਾ ਹੈ ਉੱਥੇ ਸ਼ੱਕ ਵੀ ਕੀਤਾ ਜਾ ਰਿਹਾ ਹੈ ਇਨ੍ਹਾਂ ਦੀ ਮੌਤ ਦਾ ਰਹੱਸ ਕੀ ਹੈ। ਨਾਗਰਾਜੂ ਇਕੱਤੀ ਸਾਲਾ ਇੰਜੀਨੀਅਰ ਜੋ ਮਿਸ਼ੀਗਨ ਦਾ ਰਹਿਣ ਵਾਲਾ ਸੀ, ਬੁੱਧਵਾਰ ਨੂੰ ਅਪਾਰਟਮੈਂਟ ਕੰਪਲੈਕਸ ਦੇ ਸਵਿੰਮਿੰਗ ਪੂਲ ਵਿੱਚ ਮਰੇ ਪਾਏ ਗਏ। ਨਾਗਰਾਜੂ ਦੀ ਪਤਨੀ ਬਿੰਦੂ ਪਿੱਛੇ ਇਕੱਲੀ ਰਹਿ ਗਈ ਹੈ। ਪੁਲਿਸ ਵਲੋਂ ਦੋਹਾਂ ਦੀਆਂ ਲਾਸ਼ਾਂ ਆਪਣੇ ਕਬਜ਼ੇ ਵਿੱਚ ਲੈ ਕੇ ਪੋਸਟਰ ਮਾਰਟਮ ਉਪਰੰਤ ਤਹਿਕੀਕਾਤ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਅਜੇ ਤੱਕ ਮੌਤ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ, ਪਰ ਛਾਣਬੀਣ ਜਾਰੀ ਹੈ।
> ਜ਼ਿਕਰਯੋਗ ਹੈ ਕਿ ਆਂਧਰਾ ਪ੍ਰਦੇਸ਼ ਵਿੱਚ ਨਾਗਰਾਜੂ ਦਾ ਪਰਿਵਾਰ ਸਦਮੇ ਵਿੱਚ ਹੈ ਅਤੇ ਭਾਰਤ ਸਰਕਾਰ ਤੇ ਦਬਾਅ ਪਾ ਰਿਹਾ ਹੈ ਕਿ ਉਨ੍ਹਾਂ ਦੀ ਮ੍ਰਿਤਕ ਦੇਹਾਂ ਭਾਰਤ ਲਿਆਂਦੀਆਂ ਜਾਣ। ਨਾਗਰਾਜੂ ਗੁਨਤੂਰ ਦਾ ਰਹਿਣ ਵਾਲਾ ਸੀ ਅਤੇ ਵਰਜੀਨੀਆ ਇੰਜੀਅਰਿੰਗ ਕਾਲਜ ਤੋਂ ਬੀ ਟੈੱਕ ਕਰਕੇ ਨੌਕਰੀ ਵਿੱਚ ਸੀ। ਇਨ੍ਹਾਂ ਦੀ ਮੌਤ ਤੇ ਪ੍ਰਦੇਸ਼ ਵਿੱਚ ਰਹਿੰਦੀ ਤੈਲਗੂ ਕਮਿਊਨਿਟੀ ਵੀ ਭਾਰੀ ਸਦਮੇ ਵਿੱਚ ਹੈ। ਸੂਤਰਾਂ ਮੁਤਾਬਕ ਇਸ ਰਹੱਸਮਈ ਮੌਤ ਦੇ ਕਾਰਨਾਂ ਨੂੰ ਜਾਨਣ ਲਈ ਪੁਲਿਸ ਕਈ ਪੱਖਾਂ ਤੇ ਕੰਮ ਕਰ ਰਹੀ ਹੈ ਤਾਂ ਜੋ ਅਸਲੀਅਤ ਤੋਂ ਜਾਣੂ ਹੋਇਆ ਜਾ ਸਕੇ।