ਡਾ. ਸੁਰਿੰਦਰ ਸਿੰਘ ਗਿੱਲ ਉਘੇ ਜਰਨਲਿਸਟ ਨੂੰ ਰਿਪਬਲਿਕਨ ਉਮੀਦਵਰ ਨਿਊਜਰਸੀ ਦਾ ਪੀ. ਆਰ. ਓ. ਨਿਯੁਕਤ ਕੀਤਾ

ਨਿਊਜਰਸੀ (ਵਿਸ਼ੇਸ਼ ਪ੍ਰਤੀਨਿਧ) – ਬੀਬੀ ਅਮਰਜੀਤ ਕੌਰ ਰਿਆੜ ਜਿਸ ਨੂੰ ਟਰਾਈ ਸਟੇਟ ਤੋਂ ਅਸੈਂਬਲੀ ਚੋਣ ਲਈ ਰਿਪਬਲਿਕਨ ਉਮੀਦਵਾਰ ਉਤਾਰਿਆ ਗਿਆ ਹੈ। ਉਨ੍ਹਾਂ ਦੇ ਚੋਣ ਕੈਂਪੇਨ ਦੇ ਮੁੱਖ ਇੰਚਾਰਜ ਬਰਜਿੰਦਰ ਸਿੰਘ ਬਰਾੜ ਅਤੇ ਚੋਣ ਸਲਾਹਕਾਰ ਹਰਵਿੰਦਰ ਸਿੰਘ ਰਿਆੜ ਵਲੋਂ ਡਾ. ਸੁਰਿੰਦਰ ਸਿੰਘ ਗਿੱਲ ਨੂੰ ਪਬਲਿਕ ਰਿਲੇਸ਼ਨ ਅਫਸਰ ਨਿਯੁਕਤ ਕੀਤਾ ਗਿਆ ਹੈ। ਇੱਥੇ ਦੱਸਣਾ ਵਾਜਬ ਹੈ ਕਿ ਡਾ. ਸੁਰਿੰਦਰ ਸਿੰਘ ਗਿੱਲ ਉੱਘੇ ਪੱਤਰਕਾਰ ਹਨ ਅਤੇ ਸਿੱਖਿਆ ਸ਼ਾਸਤਰੀ ਵੀ ਹਨ। ਜਿਨ੍ਹਾਂ ਨੇ ਪੰਜਾਬ ਵਿੱਚ ਪ੍ਰਿੰਸੀਪਲ ਵਜੋਂ ਸਫਲ਼ ਸੇਵਾ ਨਿਭਾਈ ਹੈ ।ਉਹ ਨਾਮੀ ਸਾਈਕਲੋਜਿਸਟ ਵੀ ਹਨ। ਜਿਨ੍ਹਾਂ ਨੇ ਕਈ ਚੋਣਾਂ ਵਿੱਚ ਸ਼ਮੂਲੀਅਤ ਕਰਕੇ ਅਜ਼ਾਦ ਉਮੀਦਵਾਰ ਅਤੇ ਵਧੀਆ ਸਖਸ਼ੀਅਤਾਂ ਵਾਲੇ ਉਮੀਦਵਾਰ ਦੀ ਝੋਲੀ ਵਿੱਚ ਜਿੱਤ ਪਾਈ ਹੈ।ਜੋ ਉਨਾ ਵੱਲੋਂ ਨਿਭਾਈ ਚੋਣ ਪਲੈਨਿੰਗ ਦਾ ਨਤੀਜਾ ਹੈ।
ਉਨ੍ਹਾਂ ਦੀ ਇਸ ਨਿਯੁਕਤੀ ਨਾਲ ਜਿੱਥੇ ਬੀਬੀ ਅਮਰਜੀਤ ਕੌਰ ਦੀ ਚੋਣ ਨੂੰ ਹੁਲਾਰਾ ਮਿਲੇਗਾ, ਉੱਥੇ ਡਾ. ਗਿੱਲ ਵਲੋਂ ਕੀਤੀ ਜਾਣ ਵਾਲੀ ਵਿਉਂਤਬੰਦੀ ਦਾ ਭਰਪੂਰ ਲਾਭ ਬੀਬੀ ਅਮਰਜੀਤ ਕੌਰ ਨੂੰ ਮਿਲੇਗਾ ਕਿਉਂਕਿ ਡਾ. ਸੁਰਿੰਦਰ ਸਿੰਘ ਗਿੱਲ ਪਹਿਲਾ ਹੀ ਨਿਊਜਰਸੀ ਵਿੱਚ ਰਿਪਬਲਿਕਨ ਵੋਟ ਬੈਂਕ ਵਿੱਚ ਵਾਧਾ ਕਰਨ ਵਿੱਚ ਸਫਲ ਰਹੇ ਹਨ। ਉਨ੍ਹਾਂ ਦੀ ਇਸ ਨਿਯੁਕਤੀ ਨਾਲ ਮੁਢਲੀ ਚੋਣ ਜਿੱਤਣ ਦੇ ਅਸਾਰ ਬੀਬੀ ਅਮਰਜੀਤ ਕੋਰ ਰਿਆੜ ਦੇ ਵਧ ਗਏ ਹਨ।