ਸੰਤ ਬਾਬਾ ਪ੍ਰੇਮ ਸਿੰਘ ਜੀ ਦੀ 68ਵੀਂ ਬਰਸੀ ਮੇਲੇ ਵਜੋਂ ਮਨਾਉਣ ਦਾ ਫੈਸਲਾ

ਮੈਰੀਲੈਂਡ (ਗਿੱਲ) – ਸੰਤ ਬਾਬਾ ਪ੍ਰੇਮ ਸਿੰਘ ਕਲਚਰਲ ਸੁਸਾਇਟੀ ਅਤੇ ਸਿੱਖ ਐਸੋਸੀਏਸ਼ਨ ਆਫ ਬਾਲਟੀਮੋਰ ਗੁਰਦੁਆਰਾ ਰੈਡਲਜਟਾਊਨ ਮੈਰੀਲੈਂਡ ਵਲੋਂ ਸੰਤ ਬਾਬਾ ਪ੍ਰੇਮ ਸਿੰਘ ਜੀ ਦੀ 68ਵੀਂ ਬਰਸੀ ਮੇਲੇ ਦੇ ਰੂਪ ਵਿੱਚ ਮਨਾਉਣ ਦਾ ਫੈਸਲਾ ਲਿਆ ਗਿਆ ਹੈ। ਜਿੱਥੇ ਇਸ ਅਵਸਰ ਤੇ ਅਖੰਡ ਪਾਠ ਦੇ ਭੋਗ ਪਾਏ ਜਾਣਗੇ ਉਪਰੰਤ ਢਾਡੀਆਂ, ਰਾਗੀਆਂ ਅਤੇ ਪ੍ਰਚਾਰਕਾਂ ਵਲੋਂ ਸੰਤਾਂ ਦੇ ਜੀਵਨ ਘਾਲਣਾ ਪ੍ਰਤੀ ਚਾਨਣਾ ਪਾਇਆ ਜਾਵੇਗਾ। ਉੱਥੇ ਇਸ ਦਿਨ ਮੇਲੇ ਵਜੋਂ ਬਾਹਰ ਪੰਡਾਲ ਅਤੇ ਸਟਾਲ ਸਜਾਏ ਜਾਣਗੇ। ਤਾਂ ਜੋ ਸੰਗਤਾਂ ਵੱਖ-ਵੱਖ ਪਕਵਾਨਾਂ ਦਾ ਅਨੰਦ ਲੈ ਸਕਣ। ਇੱਥੋਂ ਤੱਕ ਕਿ ਸੰਗਤਾਂ ਸਟਾਲਾਂ ਤੋਂ ਵੀ ਖ੍ਰੀਦ ਕਰਕੇ ਆਪਣੀ ਰੂਹ ਦੀ ਖੁਰਾਕ ਦਾ ਲੁਤਫ ਲੈ ਸਕਣਗੀਆ।
ਜ਼ਿਕਰਯੋਗ ਹੈ ਕਿ ਇੱਸ  ਦਿਨ ਇੱਕ ਕਿਤਾਬਾ ਦੀ ਪ੍ਰਦਰਸ਼ਨੀ ਵੀ ਲਗਾਈ ਜਾਵੇਗੀ ਜਿੱਥੋਂ ਸੰਤਾਂ ਦੇ ਜੀਵਨ ਸਬੰਧੀ ਸੰਗਤਾਂ ਲਿਟਰੇਚਰ ਪ੍ਰਾਪਤ ਕਰ ਸਕਣ। ਬੱਚਿਆਂ ਅਤੇ ਬੀਬੀਆਂ ਲਈ ਵੱਖ-ਵੱਖ ਖੇਡਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ । ਖੇਡਾ ਵਿੱਚ ਰੱਸਾ ਕੱਸੀ, ਮਿਊਜ਼ੀਕਲ ਚੇਅਰ ਅਤੇ ਛੋਟੀਆਂ ਦੌੜਾਂ ਰਾਹੀਂ ਮਨੋਰੰਜਨ ਕੀਤਾ ਜਾਵੇਗਾ। ਛੋਟੇ ਬੱਚਿਆਂ ਲਈ ਝੂਲਿਆਂ ਦਾ ਖਾਸ ਪ੍ਰਬੰਧ ਕੀਤਾ ਗਿਆ ਹੈ।ਦਸਤਾਰ ਮੁਕਾਬਲੇ ਤੇ ਪੰਜਾਬੀ ਪਹਿਰਾਵੇ ਦੇ ਮੁਕਾਬਲਿਆ ਵਿੱਚ ਮਾਪੇ ਤੇ ਬਚਿਆਂ ਵੱਲੋਂ ਕਾਫ਼ੀ ਦਿਲਚਸਪੀ ਦਿਖਾਈ ਜਾ ਰਹੀ ਹੈ। ਇਸ ਦਿਨ ਦੂਰ ਦੁਰਾਡੇ ਤੋਂ ਸੰਗਤਾਂ ਦਾ ਭਾਰੀ ਇਕੱਠ ਜੁਟਾਉਣ ਲਈ ਵੀ ਉਪਰਾਲੇ ਕੀਤੇ ਗਏ ਹਨ। ਤਾਂ ਜੋ ਇਹ ਬਰਸੀ ਵੱਖਰੀ ਛਾਪ ਦਾ ਪ੍ਰਗਟਾਵਾ ਕਰ ਜਾਵੇ। ਮੰਨਜੀਤ ਸਿੰਘ ਕੈਰੋ ਪ੍ਰਧਾਨ ਸਿੱਖ ਐਸੋਸੇਸ਼ਨ ਤੇ ਰਾਜੂ ਪ੍ਰਧਾਨ ਸੰਤ ਬਾਬਾ ਪ੍ਰੇਮ ਸਿੰਘ ਕਲਚਰਲ ਸੁਸਾਇਟੀ ਬਾਲਟੀਮੋਰ ਦੀ ਸਮੁੱਚੀ ਟੀਮ ਸੰਤਾ ਦੀ ਬਰਸੀ ਵਿੱਚ ਅਥਾਹ ਯੋਗਦਾਨ ਪਾ ਰਹੀ ਹੈ। ਆਸ ਹੈ ਕਿ ਇਸ ਸਾਲ ਬਰਸੀ ਤੇ ਭਰਵਾ ਇਕਠ ਹੋਣ ਦੀ ਸੰਭਾਵਨਾ ਹੈ ਜਿਸ ਦੇ ਮਦੇਨਜਰ ਹਰ ਸ਼ਰਧਾਲੂ ਤਨ ਮਨ ਧੰਨ ਨਾਲ ਕਈ ਦਿਨਾਂ ਤੋਂ ਸੇਵਾ ਵਿੱਚ ਜੁਟਿਆ ਹੋਇਆ ਆਮ ਵੇਖਿਆ ਗਿਆ ਹੈ। ਪ੍ਰਬੰਧਕਾਂ ਮੁਤਾਬਕ ਸਾਰੇ ਪਰਬੰਧਾ ਨੂੰ ਨੇਪਰੇ ਚਾੜ ਲਿਆ ਗਿਆ ਹੈ। ਸੰਗਤਾਂ ਵਿੱਚ ਵੀ ਭਾਰੀ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ। ਹਰ ਕੋਈ ਅਪਨੀ ਜ਼ੁੰਮੇਵਾਰੀ ਪੂਰੀ ਤਨਦੇਹੀ ਨਾਲ ਨਿਭਾ ਸੰਤਾ ਦੀ ੬੮ ਵੀ ਬਰਸੀ ਨੂੰ ਸਮਰਪਿਤ ਨਜ਼ਰ ਆ ਰਿਹਾ ਹੈ। ਜਿਸ ਤੋਂ ਲਗਦਾ ਇਸ ਸਾਲ ਦੀ ਸੰਤਾ ਦੀ ਬਰਸੀ ਵੱਖਰੇ ਤੋਰ ਤੇ ਮਨਾਉਣ  ਦੇ ਅਨੰਦ ਦੀ ਝਲਕ ਛੱਡ ਜਾਵੇਗੀ।