ਅਧਿਕਾਰਾਂ ਪ੍ਰਤੀ ਜਾਗਰੂਕ ਤੇ ਰਾਖੀ ਕਰਨ ਹਿਤ ਵੱਖ-ਵੱਖ ਮਹਿਕਮਿਆਂ ਵਲੋਂ ਜਾਣਕਾਰੀ ਪ੍ਰਦਾਨ

ਵਰਜੀਨੀਆ (ਗਿੱਲ) – ਸਿੱਖ ਫਾਊਂਡੇਸ਼ਨ ਆਫ  ਵਰਜੀਨੀਆ ਦੀ ਪ੍ਰਬੰਧਕ ਕਮੇਟੀ ਨੇ ਸੈਲਡਫ ਸੰਸਥਾ ਦੇ ਸਹਿਯੋਗ ਨਾਲ ਹੱਕਾਂ ਅਤੇ ਫਰਜ਼ਾਂ ਸਬੰਧੀ ਜਾਗਰੂਕ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਐੈੱਫ ਬੀ ਆਈ, ਏਅਰਪੋਰਟ ਸਕਿਓਰਿਟੀ ਟਾਂਸਪੋਰਟ ਅਤੇ ਹੋਮਲੈਂਡ ਸਕਿਓਰਿਟੀ ਦੇ ਆਹਲਾ ਅਫਸਰਾਂ ਨੇ ਆਪਣੀ ਪ੍ਰਤਿਭਾ ਦਾ ਯੋਗਦਾਨ ਪਾਇਆ ਹੈ। ਜਿੱਥੇ ਉਨ੍ਹਾਂ ਸਿੱਖ ਪਹਿਰਾਵੇ ਅਤੇ ਚਿੰਨਾਂ ਸਬੰਧੀ ਜਾਣਕਾਰੀ ਨੂੰ ਸਾਂਝਾ ਕੀਤਾ, ਉੱਥੇ ਉਨ੍ਹਾਂ ਆਈਆਂ ਸੰਗਤਾਂ ਦੇ ਸਵਾਲਾਂ ਦਾ ਜਵਾਬ ਵੀ ਦਿੱਤਾ। ਇਸ ਕੈਂਪ ਦੌਰਾਨ ਸੰਗਤਾਂ ਨੂੰ ਮਹਿਕਮਿਆਂ ਬਾਰੇ ਭਰਪੂਰ ਜਾਣਕਾਰੀ ਮਿਲੀ ਅਤੇ ਉਨ੍ਹਾਂ ਦੇ ਵਤੀਰੇ ਤੋਂ ਜਾਣੂ ਵੀ ਹੋਏ।
ਇਹ ਪ੍ਰੋਗਰਾਮ ਹਰਪ੍ਰੀਤ ਸਿੰਘ ਸੰਧੂ ਅਤੇ ਸਤਿਨਾਮ ਸਿੰਘ ਵਲੋਂ ਸੈਲਡਪ ਦੀ ਹਮਾਇਤ ਨਾਲ ਅਯੋਜਿਤ ਕੀਤਾ ਗਿਆ ਸੀ। ਜਿੱਥੇ ਆਪਸੀ ਨੇੜਤਾ ਅਤੇ ਭਾਈਚਾਰਕ ਸਾਂਝ ਵਿੱਚ ਵਾਧਾ ਹੋਇਆ ਹੈ, ਉੱਥੇ ਵੱਖ-ਵੱਖ ਪਹਿਲੂਆਂ ਤੇ ਚਾਨਣਾ ਪਾਇਆ ਗਿਆ ਤਾਂ ਜੋ ਅਮਰੀਕਾ ਦੇ ਵੱਖ-ਵੱਖ ਮਹਿਕਮਿਆਂ ਅਤੇ ਉਨ੍ਹਾਂ ਦੀ ਕਾਰਗੁਜ਼ਾਰੀ ਦੇ ਨਾਲ ਨਾਲ ਉਨ੍ਹਾਂ ਦੀ ਲੋੜ ਨੂੰ ਮਾਨਣ ਲਈ ਸੰਗਤਾਂ ਦੇ ਨਾਲ ਨੇੜਤਾ ਵਧਾਈ ਗਈ ਜੋ ਕਾਬਲੇ ਤਾਰੀਫ ਰਹੀ ਹੈ। ਸੈਲਡਫ ਵਲੋਂ ਅਜਿਹੇ  ਹੋਰ ਪ੍ਰੋਗਰਾਮ ਦੂਸਰੇ ਗੁਰੂਘਰਾਂ ਅਤੇ ਪਬਲਿਕ ਥਾਵਾਂ ਤੇ ਕਰਵਾਉਣ ਦਾ ਭਰੋਸਾ ਦਿੱਤਾ ਤਾਂ ਜੋ ਸਿੱਖ ਕਮਿਊਨਿਟੀ ਜਾਗਰੂਕ ਹੋ ਸਕੇ।