ਰਮੇਸ਼ ਸਿੰਘ ਖਾਲਸਾ ਦਾ ਦੁਬਈ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਸਨਮਾਨ

ਵਾਸ਼ਿੰਗਟਨ ਡੀ. ਸੀ. (ਗਿੱਲ) – ਰਮੇਸ਼ ਸਿੰਘ ਖਾਲਸਾ ਚੇਅਰਮੈਨ ਪਾਕਿਸਤਾਨ ਸਿੱਖ ਕੌਂਸਲ ਨੇ ਸੁਰਿੰਦਰ ਸਿੰਘ ਕੰਧਾਰੀ ਪ੍ਰਧਾਨ ਚੇਅਰਮੈਨ ਗੁਰੂ ਨਾਨਕ ਦਰਬਾਰ ਦੁਬਈ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ 101  ਮੁਲਕਾਂ ਦੇ ਵਿਅਕਤੀਆਂ ਦਾ ਸਾਂਝਾ ਨਾਸ਼ਤਾ ਅਯੋਜਿਤ ਕਰਕੇ ਗਿੰਨੀ ਬੁੱਕ ਵਿੱਚ ਦੁਬਈ ਗੁਰਦੁਆਰੇ ਦਾ ਨਾਮ ਦਰਜ ਕਰਵਾਇਆ। ਜਿੱਥੇ ਉਨ੍ਹਾਂ ਰਮੇਸ਼ ਸਿੰਘ ਖਾਲਸਾ ਦਾ ਨਿੱਘਾ ਸਵਾਗਤ ਕੀਤਾ, ਉੱਥੇ ਪਾਕਿਸਤਾਨ ਸਿੱਖ ਸੰਗਤਾਂ ਵਲੋਂ ਹਾਜ਼ਰੀ ਲੁਆਕੇ ਉਨ੍ਹਾਂ ਪਾਕਿਸਤਾਨ ਦੇ ਸਿੱਖਾਂ ਦਾ ਨਾਮ ਰੌਸ਼ਨ ਕੀਤਾ। ਕੰਧਾਰੀ ਵਲੋਂ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ ਅਤੇ ਉਨ੍ਹਾਂ ਨਾਲ ਵਿਸਾਖੀ ਦੇ ਦਿਹਾੜੇ ਤੇ ਖਾਲਸਾ  ਸਿਰਜਣਾ ਦਿਵਸ ਸਬੰਧੀ ਸਾਂਝ ਪਾਈ ਹੈ।
ਇਸ ਸਮਾਗਮ ਵਿੱਚ ਸੈਂਕੜੇ ਮੁਲਕਾਂ ਦੀਆਂ ਸੰਗਤਾਂ ਨੇ ਹਿੱਸਾ ਲੈ ਕੇ ਰਿਕਾਰਡ ਕਾਇਮ ਕੀਤਾ ਹੈ ਜਿਸ ਦਾ ਸਾਰਾ ਸਿਹਰਾ ਪ੍ਰਬੰਧਕਾਂ ਨੂੰ ਜਾਂਦਾ ਹੈ। ਰਮੇਸ਼ ਸਿੰਘ ਖਾਲਸਾ ਦਾ ਸਨਮਾਨ ਇਸ ਦਿਹਾੜੇ ਤੇ ਦੁਬਈ ਵਿੱਚ ਇੱਕ ਅਦੁੱਤੀ ਛਾਪ ਨੂੰ ਅੰਜਾਮ ਦੇ ਗਿਆ। ਜੋ ਕਾਬਲੇ ਤਾਰੀਫ ਵੀ ਸੀ ਅਤੇ ਪਾਕਿਸਤਾਨ ਸਿੱਖਾਂ ਲਈ ਪ੍ਰੇਰਨਾ ਸ੍ਰੋਤ ਵੀ ਹੈ। ਜਿਨਾ ਨੇ ਪਾਕਿਸਤਾਨ ਦੇ ਸਿੱਖ ਵਜੋਂ ਉਥੋ ਦੇ ਸਿੱਖਾਂ ਦੀ ਨੁਮਾਇਦਗੀ ਕੀਤੀ ਤੇ ਪਾਕ ਸਿੱਖ ਕੁਮਿਨਟੀ ਦਾ ਨਾਮ ਪੂਰੇ ਸੰਸਾਰ ਵਿੱਚ ਚਮਕਾਇਆ।