ਗੁਜਰਾਤ ਦੇ ਉੱਘੇ ਬਿਜ਼ਨਸਮੈਨ ਬਰਜੇਸ ਢੋਲਕੀਵਾਲਾ ਨੱਗਾ ਤੇ ਜਿਉਲਰੀ ਦੇ ਪਿਤਾਮਾ ਨਾਲ ਅਹਿਮ ਮੀਟਿੰਗ

ਮੈਰੀਲੈਂਡ (ਗਿੱਲ) - ਸਟੋਨ ਤੇ ਜਿਊਲਰੀ ਦੇ ਪਿਤਾਮਾ ਗੁਜਰਾਤ ਦੇ ਵਸਨੀਕ ਅੱਜ ਕੱਲ ਅਮਰੀਕਾ ਦੇ ਦੌਰੇ ਤੇ ਹਨ। ਪਾਣੀ ਨੂੰ ਬਚਾਉਣ ਵਿੱਚ ਅਹਿਮ ਯੋਗਦਾਨ ਪਾਉਣ ਤੇ ਗਰੀਨ ਪ੍ਰੋਜੈਕਟ ਵਿੱਚ ਅਹਿਮ ਰੋਲ ਅਦਾ ਕਰਨ ਕਰਕੇ 2021 ਦਾ ਪਦਮ ਸ੍ਰੀ ਐਵਾਰਡ ਵੀ ਇਸੇ ਫਰਮ ਦੇ ਪਿਤਾਮਾ ਨੂੰ ਮਿਲਿਆ ਹੈ। ਇਸੇ ਫਰਮ ਦੇ ਹਿੱਸੇਦਾਰ ਬਰਜੇਸ ਢੋਲਕੀਵਾਲਾ ਨਿਊਯਾਰਕ ਤੋਂ ਬਾਅਦ ਮੈਰੀਲੈਂਡ ਵਿਖੇ ਸਿੱਖਸ ਆਫ ਯੂ. ਐੱਸ. ਏ. ਦੇ ਸਕੱਤਰ ਜਨਰਲ ਡਾ. ਸੁਰਿੰਦਰ ਸਿੰਘ ਗਿੱਲ , ਰਾਜ ਰਾਠੌਰ ਸ਼ਾਂਤੀ ਤੇ ਟੂਰਿਜਮ ਦੂਤ ਅਮਰੀਕਾ ਤੇ ਗੁਰਚਰਨ ਸਿੰਘ ਸਾਬਕਾ ਵਰਲਡ ਬੈਂਕ ਅਫਸਰ ਨਾਲ ਇੱਕ ਅਹਿਮ ਮੀਟਿੰਗ ਕੀਤੀ।
    ਇਸ ਮੀਟਿੰਗ ਦਾ ਆਯੋਜਨ ਦੁਬਈ ਦੇ ਸ਼ੇਖ ਤੇ ਪੀਰ ਜਨ ਮੁਜਾਦੀ ਨੇ ਕਰਵਾਇਆ। ਜਿਨ੍ਹਾਂ ਨੇ ਦੱਸਿਆ ਕਿ ਹਰੀ ਕਿ੍ਰਸ਼ਨਾ ਗੁਜਰਾਤ ਦੀ ਜਿਊਲਰ ਤੇ ਸਟੋਨ ਫਰਮ ਸੰਸਾਰ ਦਾ ਤੀਜਾ ਸਥਾਨ ਰੱਖਣ ਵਾਲੀ ਹੈ। ਜਿਸ ਨੇ ਬਾਰਾਂ ਹਜ਼ਾਰ ਕਰੋੜ ਦਾ ਬਿਜ਼ਨਸ ਇਸ ਸਾਲ ਕੀਤਾ ਹੈ। ਚੈਰਿਟੀ ਕਰਨ ਵਿੱਚ ਇਸ ਫਰਮ ਨੇ ਪਾਣੀ ਬਚਾਉ ਦੇ ਸਤਾਰਾਂ ਤਲਾਬ ਪਿੰਡਾਂ ਵਿੱਚ ਬਣਾਕੇ ਪਾਣੀ ਬਚਾਉਣ ਦਾ ਯੋਗਦਾਨ ਪਾਇਆ ਹੈ।
    ਬਰਜੇਸ ਢੋਲਕੀਵਾਲਾ ਨੇ ਪਾਵਰ ਪੁਆਇੰਟ ਰਾਹੀਂ ਸਾਰੀ ਜਾਣਕਾਰੀ ਦਿੱਤੀ। ਨਿਊਯਾਰਕ ਵਾਲੇ ਆਫਿਸ ਰਾਹੀ ਸੰਪਰਕ ਬਣਾਕੇ ਕਾਰੋਬਾਰੀ ਤੇ ਚੈਰਟੀ ਨੂੰ ਅੱਗੇ ਤੋਰਨ ਦਾ ਮਨਸੂਬਾ ਵਿਚਾਰਿਆ। ਜੋ ਕਿ ਕਾਫੀ ਲਾਹੇਵੰਦ ਦੱਸਿਆ ਗਿਆ। ਬਰਜੇਸ ਨੇ ਭਾਰਤੀ ਅੰਬੈਸੀ ਰਾਹੀਂ ਇਸ ਦੇ ਨਿਵੇਸ਼ ਨੂੰ ਅੱਗੇ ਤੋਰਨ ਦਾ ਜ਼ਿਕਰ ਕੀਤਾ। ਰਾਤਰੀ ਭੋਜ ਉਪਰੰਤ ਸਿੱਖਸ ਆਫ ਯੂ. ਐੱਸ. ਏ. ਸੰਸਥਾ ਵੱਲੋਂ ਬਰਜੇਸ ਢੋਲਕੀਵਾਲੇ ਨੂੰ ਸਨਮਾਨਿਤ ਕੀਤਾ। ਭਵਿੱਖ ਵਿੱਚ ਬਰਜੇਸ ਨੇ ਸੂਰਤ ਗੁਜਰਾਤ ਆਉਣ ਲਈ ਸਿੱਖਸ ਆਫ ਯੂ. ਐੱਸ. ਏ. ਨੂੰ ਨਿਮੰਤਿ੍ਰਤ ਕੀਤਾ ਗਿਆ ਹੈ।
    ਯਾਦਗਰੀ ਵਜੋਂ ਬਰਜੇਸ ਨੇ ਆਪਣੀ ਫਰਮ ਵੱਲੋਂ ਯਾਦਗਰੀ ਚਿੰਨ ਸੁਰਿੰਦਰ ਸਿੰਘ ਗਿੱਲ, ਗੁਰਚਰਨ ਸਿੰਘ ਤੇ ਰਾਜ ਰਾਠੌਰ ਨੂੰ ਸੌਂਪੇ ਗਏ। ਅਗਲੀ ਫੇਰੀ ਮੁੜ ਅਕਤੂਬਰ ਵਿੱਚ ਜ਼ਿਕਰ ਕਰਦੇ ਬਰਜੇਸ ਨੇ ਕਿਹਾ ਕਿ ਉਹ ਵੋਮੈਨ ਸੈਲਟਰ ਵਿੱਚ ਆਪਣਾ ਹਿੱਸਾ ਪਾਉਣਗੇ। ਸਮੁੱਚੀ ਮੀਟਿੰਗ ਕਾਰੋਬਾਰੀ ਦੇ ਬੜਾਵੇ ਤੇ ਚੈਰਿਟੀ ਨੂੰ ਅੱਗੇ ਤੋਰਦੇ ਨੇਪਰੇ ਚੜ੍ਹੀ। ਗੁਰਚਰਨ ਸਿੰਘ ਵੱਲੋਂ ਧੰਨਵਾਦ ਕਰਦੇ ਕਿਹਾ ਕਿ ਉਹ ਜਲਦੀ ਭਾਰਤ ਦੌਰੇ ਸਮੇਂ ਬੰਬੇ ਤੇ ਸੂਰਤ ਦਾ ਦੌਰਾ ਕਰਨਗੇ।