ਰਮੇਸ਼ ਸਿੰਘ ਖਾਲਸਾ ਤੇ ਨਾਨਕ ਰਾਮ ਦਾ ਕੀਰਤਨੀ ਜਥਾ ਨਨਕਾਣਾ ਸਾਹਿਬ ਕਮੇਟੀ ਵਲੋਂ ਸਨਮਾਨਿਤ

ਨਨਕਾਣਾ ਸਾਹਿਬ (ਗਿੱਲ) – ਰਮੇਸ਼ ਸਿੰਘ ਖਾਲਸਾ ਜਿਨ੍ਹਾਂ ਦੀਆਂ ਸੇਵਾਵਾਂ ਨੂੰ ਮੁੱਖ ਰੱਖਦੇ ਹੋਏ ਨਨਕਾਣਾ ਸਾਹਿਬ ਗੁਰੂਘਰ ਦੀ ਪ੍ਰਬੰਧਕ ਕਮੇਟੀ ਵਲੋਂ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ। ਪ੍ਰਬੰਧਕਾਂ ਦਾ ਕਹਿਣਾ ਸੀ ਕਿ ਰਮੇਸ਼ ਸਿੰਘ ਖਾਲਸਾ ਪਾਕਿਸਤਾਨ ਸਿੱਖ ਕੌਂਸਲ ਦੀ ਅਗਵਾਈ ਹੇਠ ਪਾਕਿਸਤਾਨ ਸਿੱਖਾਂ ਦਾ ਬਹੁਤ ਖਿਆਲ ਰੱਖਦੇ ਹਨ। ਉਨ੍ਹਾਂ ਦੀ ਹਰ ਮੁਸ਼ਕਲ ਨੂੰ ਹੱਲ ਕਰਨ ਅਤੇ ਕਰਵਾਉਣ ਵਿੱਚ ਉਨ੍ਹਾਂ ਦਾ ਅਥਾਹ ਯੋਗਦਾਨ ਹੈ। ਉਨ੍ਹਾਂ ਵਲੋਂ ਕੀਤੀ ਜਾ ਰਹੀ ਸੇਵਾ ਤੋਂ ਹਰੇਕ ਪਾਕਿਸਤਾਨ ਸਿੱਖ ਵਾਕਫ ਹੈ। ਜਿੱਥੇ ਉਹ ਸਿੰਧ ਸੂਬੇ ਵਿੱਚ ਅਨੰਦ ਮੈਰਿਜ ਐਕਟ ਪਾਸ ਕਰਵਾਉਣ ਲਈ ਜੋਰ ਲਗਾ ਰਹੇ ਹਨ, ਉੱਥੇ ਉਹ ਧਾਰਮਿਕ ਤੌਰ ਤੇ ਵੀ ਅਥਾਹ ਸੇਵਾ ਨਿਭਾਅ ਰਹੇ ਹਨ, ਜਿਸ ਕਰਕੇ ਉਹ ਸਨਮਾਨ ਦੇ ਭਾਗੀਦਾਰ ਹਨ।
ਨਾਨਕ ਰਾਮ ਪਾਕਿਸਤਾਨ ਦੇ ਬਹੁਤ ਹੀ ਉੱਘੇ ਕੀਰਤਨੀਏ ਹਨ ਜੋ ਨਾਨਕ ਨਾਮ ਲੇਵਾ ਵਿੱਚ ਪੂਰਨ ਲੀਨ ਹਨ। ਉਨ੍ਹਾਂ ਵਲੋਂ ਦੋ ਦਿਨ ਕੀਰਤਨ ਦੀ ਸੇਵਾ ਨਨਕਾਣਾ ਸਾਹਿਬ ਨਿਭਾਈ ਜਿੱਥੇ ਸੰਗਤਾਂ ਵਲੋਂ ਉਨ੍ਹਾਂ ਦੇ ਕੀਰਤਨ ਦਾ ਪੂਰਾ ਲਾਹਾ ਲਿਆ। ਉਨ੍ਹਾਂ ਵਲੋਂ ਨਿਭਾਈਆਂ ਕੀਰਤਨ ਦੀਆਂ ਸੇਵਾਵਾਂ ਕਰਕੇ ਨਨਕਾਣਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਵਲੋਂ ਰਮੇਸ਼ ਸਿੰਘ ਖਾਲਸਾ ਦੇ ਨਾਲ ਨਾਲ ਨਾਨਕ ਰਾਮ ਅਤੇ ਉਨ੍ਹਾਂ ਦੇ ਜਥੇ ਦਾ ਵੀ ਸਨਮਾਨ ਕੀਤਾ। ਦੋਹਾਂ ਸਖਸ਼ੀਅਤਾਂ ਵਲੋਂ ਪ੍ਰਬੰਧਕਾਂ ਦਾ ਧੰਨਵਾਦ ਕੀਤਾ ਅਤੇ ਭਵਿੱਖ ਵਿੱਚ ਏਸੇ ਤਰ੍ਹਾਂ ਸੇਵਾ ਨਿਭਾਉਣ ਦਾ ਵਚਨ ਵੀ ਦੁਹਰਾਇਆ।